ଅନୀଲ ଅମ୍ୱାନୀଙ୍କ ଘରେ ED ପରେ CBIର ରେଡ୍
୧୭,୦୦୦ କୋଟି ଟଙ୍କାର ବ୍ୟାଙ୍କ ଠକେଇ ମାମଲାରେ କେନ୍ଦ୍ରୀୟ ତଦନ୍ତ ବ୍ୟୁରୋ (CBI) ମୁମ୍ବାଇର RCOM ଏବଂ ଅନିଲ ଅମ୍ବାନୀଙ୍କ ପରିସରରେ ଚଢାଉ କରିଥିଲା। CBI ଅଧିକାରୀମାନେ ସକାଳ ପ୍ରାୟ ୭ଟାରେ ଅମ୍ବାନୀଙ୍କ ବାସଭବନରେ ପହଞ୍ଚିଥିଲେ। ତଲାସୀ ସମୟରେ ଅମ୍ବାନୀ ଏବଂ ତାଙ୍କ ପରିବାର ସଦସ୍ୟ ବାସଭବନରେ ଉପସ୍ଥିତ ଥିଲେ। ୭ରୁ ୮ ଜଣ ଅଧିକାରୀ ସେହି ସ୍ଥାନରେ ପହଞ୍ଚିଛନ୍ତି । ପୂର୍ବରୁ ଇଡି ଅନୀଲଙ୍କୁ ପଚରାଉଚରା କରିଥିଲା।
ସୂତ୍ର ଅନୁସାରେ, CBI କମ୍ପାନୀ ବିରୁଦ୍ଧରେ ବ୍ୟାଙ୍କ ଠକେଇର ଏକ ମାମଲା ରୁଜୁ କରିଛି, ଯେଉଁଥିରେ ଷ୍ଟେଟ ବ୍ୟାଙ୍କ ଅଫ୍ ଇଣ୍ଡିଆ (SBI) ୨୦୦୦ କୋଟି ଟଙ୍କାରୁ ଅଧିକ କ୍ଷତି ସହିଛି। ୨୦୨୫ ମସିହା ଜୁନ୍ ମାସ ୧୩ ତାରିଖରେ SBI ଆକାଉଣ୍ଟରୁ ଠକେଇ ହୋଇଥିବା ଜଣାପଡିଥିଲା। ସିବିଆଇ ଶନିବାର ରିଲାଏନ୍ସ କମ୍ୟୁନିକେସନ୍ସ ବିରୋଧରେ ଏକ ମାମଲା ପଞ୍ଜିକୃତ କରିଛି।
ତଦନ୍ତକାରୀ ଅଧିକାରୀମାନେ ବ୍ୟାଙ୍କରୁ ଅନିଲ ଅମ୍ବାନୀଙ୍କ କମ୍ପାନୀଗୁଡ଼ିକୁ ଦିଆଯାଇଥିବା ବିପୁଳ ଋଣର ତଦନ୍ତ କରୁଛନ୍ତି।
Powered by Froala Editor
