ଲୋକପ୍ରିୟ ଧାରାବାହିକ 'ସାଥ୍ ନିଭାନା ସାଥିୟା' ଅଭିନେତ୍ରୀ ଜିୟା ମାନେକ ଓରଫ ଗୋପି ବୋହୂ ବିବାହ ବନ୍ଧନରେ ବାନ୍ଧି ହୋଇଛନ୍ତି । ସେ ଅଭିନେତା ବରୁଣ ଜୈନଙ୍କୁ ବିବାହ କରିଥିବା ଜଣାଇଛନ୍ତି। ତାଙ୍କ ବିବାହ ଫଟୋ ସୋସିଆଲ ମିଡିଆରେ ଭାଇରାଲ ହେଉଛି।

ଫଟୋରେ ଜିୟା ଏକ ସୁନେଲି ରଙ୍ଗର ଶାଢ଼ି ପିନ୍ଧିଥିବାର ଦେଖାଯାଇଛି। ଏହା ସହିତ ସେ ଟେମ୍ପୁଲ ଜୁଏଲାରୀ ପିନ୍ଧିଛନ୍ତି। ମଥାରେ ସିନ୍ଥି ସହ, ହାର, କାନଫୁଲ ଏବଂ ହାତରେ ଲାଲ ଚୁଡ଼ି ପିନ୍ଧିଥିବା ଦେଖାଯାଇଛି।

ବରୁଣ ଜୈନ "ଦିୟା ଔର ବାତି ହମ୍"ରେ ମୋହିତ ରାଠି ଭୂମିକାରେ ଅଭିନୟ କରି ଲୋକପ୍ରିୟ ହୋଇଥିଲେ। ଜିୟା 'ଜିନ୍ନି ଔର ଜୁଜୁ' ଏବଂ 'ତେରା ମେରା ସାଥ୍ ରହେ'ରେ କାମ କରି ଲୋକପ୍ରିୟତା ହାସଲ କରିଥିଲେ । ସେ କମେଡି ଚଳଚ୍ଚିତ୍ର 'ନା ଘର କେ ନା ଘାଟ କେ' (୨୦୧୦) ରେ ଛୋଟ ଭୂମିକାରେ ନଜର ଆସିଥିଲେ। ହେଲେ 'ସାଥ୍ ନିଭାନା ସାଥିଆ'ରେ ଗୋପୀ ବୋହୂ ଚରିତ୍ର ତାଙ୍କୁ ଘରେ ଘଣେ ପରିଚିତ କରାଇଥିଲା। 

ଜିୟା ଧୁମଧାମରେ ବିବାହ କରିବା ପରିବର୍ତ୍ତେ ସେ ନିଜ ପରିବାରବର୍ଗଙ୍କ ଗହଣରେ ବିବାହ କରିଥିବା ଜଣାଯାଇଛି। ସୋସିଆଲ ମିଡିଆରେ ଫଟୋ ସେୟାର କରି ଜିୟା ଲେଖିଛନ୍ତି, "ଭଗବାନ ଏବଂ ଗୁରୁଙ୍କ କୃପାରୁ ଆମେ ସବୁଦିନ ପାଇଁ ଏକାଠି ହୋଇଛୁ। ହାତରେ ହାତ ମିଶାଇ, ହୃଦୟ ସହ ହୃଦୟ ମିଶାଇ। ଆମେ ଦୁଇ ବନ୍ଧୁ ଥିଲୁ ଏବଂ ଆଜି ଆମେ ସ୍ୱାମୀ-ସ୍ତ୍ରୀ ହୋଇଛୁ।"

Powered by Froala Editor