କଟକ-ଭୁବନେଶ୍ବର ବାଇପାସ ରୋଡକୁ କ୍ୟାବିନେଟ ମୋହର
କଟକ-ଭୁବନେଶ୍ବର କ୍ୟାପିଟାଲ ରିଜିଅନ ରିଂ ରୋଡକୁ ମିଳିଛି କେନ୍ଦ୍ର କ୍ୟାବିନେଟ ମୋହର । ୬ ଲେନ୍ ବିଶିଷ୍ଟ ୧୧୦ କିମି ଲମ୍ବା ଭୁବନେଶ୍ବର ବାଇପାସ ନିର୍ମାଣକୁ ମିଳିଛି କେନ୍ଦ୍ର କ୍ୟାବିନେଟର ମଞ୍ଜୁରୀ। ଏହି ପ୍ରକଳ୍ପ ହେଲେ ଖୋର୍ଦ୍ଧା-ଭୁବନେଶ୍ବର-କଟକ ସହରରୁ କମିବ ଟ୍ରାଫିକ ସମସ୍ୟା। ଏଥିସହ ଓଡିଶାର ବିଭିନ୍ନ ଜିଲ୍ଲାକୁ ଗମନାଗମନ ଅଧିକ ସୁଗମ ହେବ। ପ୍ରସ୍ତାବିତ ରାମେଶ୍ବର-ଟାଙ୍ଗୀ ବାଇପାସକୁ ନେଇ ଏଭଳି ସମ୍ଭାବନା ସୃଷ୍ଟି ହୋଇଛି। ଏଥିଲାଗି ଖର୍ଚ୍ଚ ହେବ ୮ ହଜାର ୩୦୭ କୋଟି ୭୪ ଲକ୍ଷ ଟଙ୍କା ।
ଖୋର୍ଦ୍ଧା ରାମେଶ୍ଵରରୁ ଟାଙ୍ଗି ପର୍ଯ୍ୟନ୍ତ ରିଂ ରୋଡ୍ ନିର୍ମାଣ ହେବ ପୂର୍ବରୁ NHAI ଅନୁମୋଦନ ନଥାଇ ବାରମ୍ବାର କରୁଥିଲା ଟେଣ୍ଡର ଆହ୍ଵାନ । ୨୦୨୪ ଅକ୍ଟୋବରରେ ରିଂ ରୋଡ୍ କାମ ଆରମ୍ଭ ନେଇ ଘୋଷଣା କରିଥିଲେ କେନ୍ଦ୍ରମନ୍ତ୍ରୀ ନିତିନ ଗଡ଼କରୀ । କେତେବେଳେ ଡିପିଆର ପରିବର୍ତ୍ତନ ହେଉଥିଲା ତ ପୁଣି କେତେବେଳେ ଟେଣ୍ଡର ପ୍ରକ୍ରିୟା ପରିବର୍ତ୍ତନ ହେଉଥିଲା । ବିରୋଧୀ NHAI ଆଭିମୁଖ୍ୟକୁ ନେଇ ଅନେକ ବାର ପ୍ରଶ୍ନ ଉଠାଇଥିଲେ । ଏଥିପାଇଁ ହାଇବ୍ରିଡ ଆନୁଇଟି ମୋଡ ବା HAMରେ ଟେଣ୍ଡର ଆହ୍ଵାନ କରାଯିବ ବୋଲି କେନ୍ଦ୍ର ସରକାର ସ୍ପଷ୍ଟ କରିଛନ୍ତି ।
Powered by Froala Editor
