ଚାଇନା ବୈଜ୍ଞାନିକଙ୍କ ଦ୍ୱାରା ବିଶ୍ୱର ପ୍ରଥମ “ଗର୍ଭାବସ୍ଥା ରୋବଟ”ର ବିକାଶ ଚାଲିଛି, ଯାହା ଜୀବନ୍ତ ଶିଶୁ ଜନ୍ମ ଦେଇପାରିବ । ରୋବୋଟ୍- କିୱା ଟେକ୍ନୋଲୋଜି କହିଛି ଯେ ସେମାନେ ଏପରି ଏକ ରୋବୋଟ୍ ବିକଶିତ କରୁଛନ୍ତି ଯାହା ମଣିଷ ପରି ଗର୍ଭବତୀ ହୋଇପାରିବ ଏବଂ ତା’ ଗର୍ଭରେ ଏକ ସନ୍ତାନକୁ ଜନ୍ମ ଦେବ । କମ୍ପାନୀ କହିଛି ଯେ ସେମାନେ ଆସନ୍ତା ବର୍ଷ ସୁଦ୍ଧା ଏହି ନୂତନ ପ୍ରଯୁକ୍ତିବିଦ୍ୟା ଉପରେ କାମ ସମାପ୍ତ କରିବେ ।

ଯାହାର ନେତୃତ୍ୱ ସିଙ୍ଗାପୁରର ନାନ୍ୟାଙ୍ଗ ଟେକ୍ନୋଲୋଜିକାଲ ୟୁନିଭର୍ସିଟିର ଡ଼ା. ଝାଙ୍ଗ କିଫେଙ୍ଗ କରୁଛନ୍ତି। ଡ଼ା. ଝାଙ୍ଗ କହିଛନ୍ତି ଯେ ଗର୍ଭାବସ୍ଥାରୁ ଜନ୍ମ ପର୍ଯ୍ୟନ୍ତ ଏକ କୃତ୍ରିମ ଗର୍ଭରେ ଶିଶୁ ବଢ଼ିବ ଓ ଟ୍ୟୁବ ମାଧ୍ୟମରେ ପୋଷକ ଗ୍ରହଣ କରିବ। ତେବେ ଡିମ୍‌ ଓ ସ୍ପର୍ମ ପ୍ରଜନନର ପ୍ରକ୍ରିୟା ଏପର୍ଯ୍ୟନ୍ତ ପ୍ରସ୍ତୁତ କରାଯାଇନାହିଁ। ଏହି ଟେକ୍ନୋଲୋଜି ପରିପକ୍ବ ଅବସ୍ଥାରେ ଅଛି ଓ ରୋବଟର ପେଟରେ ଇମ୍ପ୍ଲାଣ୍ଟ କରାଯିବ, ଯାହା ଗର୍ଭାବସ୍ଥା ସାଧନ କରିବ।

କୁହାଯାଉଛି ଯେ ଏହି ରୋବୋଟ୍‌ରେ ଏକ ଇନକ୍ୟୁବେସନ୍ ପଡ୍ ଏବଂ ଏକ ଅନନ୍ୟ ପେଟ ମଧ୍ୟ ସ୍ଥାପିତ ହେବ, ଯାହାକୁ ମହିଳାଙ୍କ ଗର୍ଭ ପରି ତିଆରି କରାଯାଇଛି । ଏପରି ପରିସ୍ଥିତିରେ, ଗର୍ଭଧାରଣ ଠାରୁ ପିଲା ଜନ୍ମ ହେବା ପର୍ଯ୍ୟନ୍ତ ସମ୍ପୂର୍ଣ୍ଣ ପ୍ରକ୍ରିୟା ଏହି ରୋବୋଟ୍‌ର ପେଟରେ ହେବ ଏବଂ ଏସବୁ AI ଦ୍ୱାରା ସମ୍ଭବ ହେବ ।

Powered by Froala Editor