ବିଗବସ୍ ବିଜେତା ଏଲଭିସ ଯାଦବଙ୍କ ଘରକୁ ଗୁଳିମାଡ଼
ନୂଆଦିଲ୍ଲୀ: ୟୁଟ୍ୟୁବର ତଥା ବିଗବସ୍ ବିଜେତା ଏଲଭିସ ଯାଦବଙ୍କ ଘରକୁ ରବିବାର ସକାଳେ ଗୁଳିମାଡ଼ ହୋଇଛି। ଦୁର୍ବୃତ୍ତମାନେ ଏଲଭିସଙ୍କ ଗୁରୁଗ୍ରାମ ସେକ୍ଟର ୫୭ସ୍ଥିତ ଘର ଉପରକୁ ସକାଳ ସାଢ଼େ ୫ଟାରୁ ୬ଟା ମଧ୍ୟରେ ଗୁଳିମାଡ଼ କରିଛନ୍ତି। ଦୁର୍ବୃତ୍ତମାନେ ପ୍ରାୟ ୨୫ ରାଉଣ୍ଡ ଗୁଳିମାଡ଼ କରିଥିଲେ। ଘଟଣା ସମୟରେ ଏଲଭିସ ଘରେ ନ ଥିଲେ।
ଗୁରୁଗ୍ରାମ ପୁଲିସର ପିଆରଓ ସନ୍ଦୀପ କୁମାରଙ୍କ ସୂଚନା ଅନୁସାରେ, ୩ ଜଣ ମୁଖା ପିନ୍ଧା ଦୁର୍ବୃତ୍ତ ବାଇକରେ ଆସି ଏହି ଗୁଳିମାଡ଼ କରିଥିଲେ। ଦୁଇ ଡଜନରୁ ଅଧିକ ଗୁଳି ମାଡ଼ କରାଯାଇଥିଲା। ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛି।
Powered by Froala Editor
