ପାକିସ୍ତାନରେ ଭୟଙ୍କର ବନ୍ୟା, ପ୍ରାଣ ହରାଇଲେଣି ୨୦୦ ଜଣ

ନୂଆଦିଲ୍ଲୀ: ପାକିସ୍ତାନରେ ଭୟଙ୍କର ବନ୍ୟା ବିପତ୍ତି । ହଠାତ୍ ବନ୍ୟା ଯୋଗୁ ଶହ ଶହ ଲୋକ ପ୍ରାଣ ହରାଇଛନ୍ତି । କୁହାଯାଉଛି ଯେ ଅତି କମରେ ୨୦୦ଜଣଙ୍କର ମୃତ୍ୟୁ ହୋଇଛି । ପାକିସ୍ତାନର ଖୋବର ପଖତୁନଖ୍ୱାର ଅନେକ ଜିଲାରେ ଭୟଙ୍କର ବନ୍ୟା ଯୋଗୁଁ ବ୍ୟାପକ କ୍ଷୟକ୍ଷତି ହୋଇଛି । ରାସ୍ତା, ପୋଲ, ଘର, ସ୍କୁଲ ସବୁ ଅଞ୍ଚଳ ପାଣିରେ ବୁଡିଯାଇଛି । ଏକ ରିପୋର୍ଟ ଅନୁସାରେ ଉତ୍ତର ଏବଂ ଉତ୍ତର-ପଶ୍ଚିମ ପାକିସ୍ତାନରେ ହଠାତ୍ ବନ୍ୟା ଯୋଗୁଁ ୨୪୩ଜଣଙ୍କର ମୃତ୍ୟୁ ହୋଇଛି । ଏଥିରେ କେବଳ ୧୫୭ଜଣ ହେଉଛନ୍ତି ବୁନେର ଜିଲାର ।
ସ୍ୱାତ, ବୁନେର, ଶାଙ୍ଗଲା, ବଜୌର, ଲୋୟର ଡିର, ବଟ୍ଟାଗ୍ରାମ ଏବଂ ମାନସେହରା ଜିଲାରେ ବନ୍ୟା ଯୋଗୁଁ ପ୍ରବଳ କ୍ଷୟକ୍ଷତି ହୋଇଛି । ଏହି ସବୁ ଅଞ୍ଚଳରେ ଉଦ୍ଧାର କାର୍ଯ୍ୟରେ ୧୧୨୨ଟି ଦଳ ନିୟୋଜିତ କରାଯାଇଛି । ବୁନେର ଜିଲାରେ ୨୦୭୧ରୁ ଅଧିକ ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଇଛି । ଯେଉଁଥିରେ ୩୦୦ ସ୍କୁଲ ପିଲା ମଧ୍ୟ ରହିଛନ୍ତି ।
Powered by Froala Editor