ଯୁବଗୋଷ୍ଠୀଙ୍କୁ ଚାକିରି ପ୍ରଦାନ ନେଇ ନୀତିଶ କୁମାରଙ୍କ ବଡ ଘୋଷଣା, ଜାଣନ୍ତୁ କ’ଣ ?
ପାଟନା : ବିହାର ମୁଖ୍ୟମନ୍ତ୍ରୀ ନୀତିଶ କୁମାର ଏକ ବଡ ଘୋଷଣା କରିଛନ୍ତି। ଆସନ୍ତା ୫ ବର୍ଷରେ ଏକ କୋଟି ଯୁବଗୋଷ୍ଠୀଙ୍କୁ ଚାକିରି ପ୍ରଦାନ କରାଯିବ। ବିହାର ମୁଖ୍ୟମନ୍ତ୍ରୀ ନୀତିଶ କୁମାର ଘୋଷଣା କରିଛନ୍ତି ଯେ ଆଗାମୀ ୫ ବର୍ଷ ମଧ୍ୟରେ ଏକ କୋଟି ଯୁବଗୋଷ୍ଠୀଙ୍କୁ ଚାକିରି ଦିଆଯିବ। ଏକ୍ସରେ ମୁଖ୍ୟମନ୍ତ୍ରୀ କହିଛନ୍ତି, ୨୦୨୦ ରେ ସାତ ନିଶ୍ଚୟ-୨ ଅନ୍ତର୍ଗତ କରାଯାଇଥିବା ଘୋଷଣା କ୍ରମରେ, ଆମ ସରକାର ୫୦ ଲକ୍ଷ ଯୁବଗୋଷ୍ଠୀଙ୍କୁ ସରକାରୀ ଚାକିରି ଏବଂ ନିଯୁକ୍ତି ଦେବାର ଲକ୍ଷ୍ୟ ପୂରଣ କରିଛି। ଏବେ ଆମ ସରକାର ଆଗାମୀ ୫ ବର୍ଷ ମଧ୍ୟରେ ୧ କୋଟି ଯୁବଗୋଷ୍ଠୀଙ୍କୁ ଚାକିରି ଏବଂ ନିଯୁକ୍ତି ଦେବାର ଲକ୍ଷ୍ୟ ରଖିଛି। ସେ କହିଛନ୍ତି ଏବେ ବିହାରରେ ଶିଳ୍ପ ସ୍ଥାପନ ପାଇଁ ଉଦ୍ୟୋଗୀମାନଙ୍କୁ ଏକ ସ୍ୱତନ୍ତ୍ର ଆର୍ଥିକ ପ୍ୟାକେଜ ଦିଆଯିବ।
Powered by Froala Editor
