ମହଙ୍ଗା ହୋଇଛି ପାଠ ପଢ଼ା । ପିଲାଙ୍କୁ ଶିକ୍ଷାଦେବାକୁ ହେଉଥିବା ମୋଟା ଅଙ୍କର ଖର୍ଚ୍ଚକୁ ନେଇ ଚିନ୍ତା ପଡ଼ିଯାଇଛନ୍ତି ଅଭିଭାବକ। ଆଗରୁ ୫୦୦-୧୦୦୦ରେ କାମ ଚଳିଯାଉଥିବା ବେଳେ ଏବେ ପିଲା ସ୍କୁଲ ଦୁଆରମୁହଁରେ ପହଞ୍ଚିବା ପାଇଁ ଲକ୍ଷ ଲକ୍ଷ ଟଙ୍କାର ଆବଶ୍ୟକତା ପଢ଼ୁଛି। ହାଇଦ୍ରାବାଦରୁ ଏକ ଏଭଳି ଘଟଣା ସାମ୍ନାକୁ ଆସିଛି, ଯେଉଁଠି ଏବିସିଡି ଶିଖାଇବାକୁ ସ୍କୁଲ ନେଉଛି ୨.୫୦ଲକ୍ଷ ଟଙ୍କା।

ହାଇଦ୍ରାବାଦର ଏକ ପ୍ରସିଦ୍ଧ ସ୍କୁଲର ଫିସ୍‌ର ଏକ ଫଟୋ ସୋସିଆଲ ମିଡିଆରେ ଭାଇରାଲ ହେଉଛି। ଏହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି। ଆପଣ ବିଶ୍ୱାସ କରିବେ ନାହିଁ ଯେ ଏହି ସ୍କୁଲରେ ଏ ବି ସି ଡି ଶିଖିବା ପାଇଁ ଫିସ୍ ଏବେ ଅଭିଭାବକଙ୍କୁ ଦେବାକୁ ପଡ଼ିବ ୨.୫ ଲକ୍ଷ ଟଙ୍କା।ଭାଇରାଲ ଫଟୋରୁ ଜଣାପଡ଼ୁଛି ସ୍କୁଲଟି ନର୍ସରୀ ଆଡମିଶନ ପାଇଁ ୨.୫୧ ଲକ୍ଷ ଟଙ୍କା ମୋଟା ଫିସ୍ ନେଉଛି। ଏହି ଫଟୋରେ, ନର୍ସରୀ କ୍ଲାସ ପାଇଁ ୨୦୨୫-୨୬ ଶିକ୍ଷାବର୍ଷର ଫିସ୍‌ର ବିବରଣୀ ଦିଆଯାଇଛି। ଏହାର ଅର୍ଥ ପ୍ରତି ମାସରେ ପ୍ରାୟ ୨୧,୦୦୦ ଟଙ୍କା ଦେବାକୁ ହେବ।

ଭାଇରାଲ ହୋଇଥିବା ଫିସ୍ ଷ୍ଟ୍ରକଚର ଅନୁଯାୟୀ, ନର୍ସରୀ ଶ୍ରେଣୀରେ ପ୍ରବେଶ ପାଇଁ ଜଣଙ୍କୁ ୪୭,୭୫୦ ଟଙ୍କା ଟ୍ୟୁସନ୍ ଫି, ୫,୦୦୦ ଟଙ୍କା ଆଡମିଶନଦ ଫି, ୧୨,୫୦୦ ଟଙ୍କା ଇନିସିଏସନ ଫି ଏବଂ ୧୦,୦୦୦ ଟଙ୍କା ଫେରସ୍ତଯୋଗ୍ୟ ନଗଦ ଜମା ଦେବାକୁ ପଡିବ। ଏହା ବ୍ୟତୀତ ଜୁନ୍‌, ସେପ୍ଟେମ୍ବରର, ଡିସେମ୍ବର ଏବଂ ଚତୁର୍ଥ କିସ୍ତିରେ ଅଲଗା ଅଲଗା କିସ୍ତିରେ ଫି ମଧ୍ୟ ଜମା କରିବାକୁ ପଡିବ। ଯାହା ମୋଟ ରାଶି ୨,୫୧,୦୦୦ ଟଙ୍କା।

ସେହିପରି, ପିପିଆଇ ଏବଂ ପିପି ଶ୍ରେଣୀ ପାଇଁ ଫି ୨,୭୨,୪୦୦ ଟଙ୍କା, ପ୍ରଥମ ଏବଂ ଦ୍ୱିତୀୟ ଶ୍ରେଣୀ ପାଇଁ ୨,୯୧,୪୬୦ ଟଙ୍କା ଏବଂ ତୃତୀୟରୁ ପଞ୍ଚମ ଶ୍ରେଣୀ ପାଇଁ ୩,୨୨,୩୫୦ ଟଙ୍କାରେ ପହଞ୍ଚିଛି।

ଏହି ଫି ଷ୍ଟ୍ରକଚରକୁ ସେୟାର କରି ସୋସିଆଲ ମିଡିଆ ବ୍ୟବହାରକାରୀ ଅନୁରାଧା ତିୱାରୀ ଲେଖିଛନ୍ତି, "ଏବେ ଆପଣଙ୍କୁ ଏବିସିଡି ଶିଖିବା ପାଇଁ ପ୍ରତି ମାସରେ ୨୧,୦୦୦ ଟଙ୍କା ଖର୍ଚ୍ଚ କରିବାକୁ ପଡିବ। ଏତେ ଅଧିକ ଫି ବଦଳରେ ଏହି ସ୍କୁଲଗୁଡ଼ିକ ପିଲାମାନଙ୍କୁ କ’ଣ ଶିକ୍ଷା ଦେଉଛନ୍ତି?"

Powered by Froala Editor