ଓଡିଶାର ପ୍ରଧାନ ଖାଦ୍ୟ ହେଉଛି ଭାତ  । ସମସ୍ତେ ଭାତ ଖାଇବାକୁ ପସନ୍ଦ କରିଥାନ୍ତି । ପ୍ରାୟତଃ ପ୍ରତ୍ୟେକ ଘରେ ପ୍ରତିଦିନ ଭାତ ପ୍ରସ୍ତୁତ ହୋଇଥାଏ । ସାଧାରଣତଃ ଭାତ ପ୍ରସ୍ତୁତ ହୋଇସାରିଲା ପରେ ଏଥିରୁ ବାହାରୁଥିବା ପେଜକୁ ଆମେ ଫିଙ୍ଗି ଦେଇଥାଉ । କିନ୍ତୁ ଆପଣ ଜାଣି ଆଶ୍ଚର୍ଯ୍ୟ ହେବେ ଏହି ପେଜ ଶରୀର ପାଇଁ ଅତ୍ୟନ୍ତ ହିତକାରୀ ହୋଇଥାଏ । କାରଣ ଏଥିରେ ପୌଷ୍ଟିକ ତ ୍ୱ ଭରପୂର ମାତ୍ରାରେ ଥାଏ । ଏହି ପେଜରେ ଭଜା ଜିରା ଓ ଲୁଣ ମିଶାଇ ଏନର୍ଜୀ ଡ୍ରିଙ୍କସ ପ୍ରସ୍ତୁତ କରାଯାଇଥାଏ । ଏହାକୁ ପିଇବା ଦ୍ୱାରା ଶରୀରକୁ ପ୍ରଚୁର ପରିମାଣରେ କାର୍ବୋହାଇଡ୍ରେଟ ଓ ଶକ୍ତି ମିଳିଥାଏ । ଏହି ପେଜ ସହିତ ପୋଦିନା ପତ୍ର ଓ କଳା ଲୁଣ ମିଶାଇ ସୁପ ମଧ୍ୟ ପ୍ରସ୍ତୁତ କରାଯାଇ ପାରିବ । ଏହା ଶରୀରକୁ ପ୍ରଚୁର ପରିମାଣରେ ଭିଟାମିନ ଦେଇଥାଏ ଓ ଶରୀରକୁ ଥଣ୍ଡା ରଖିଥାଏ । ଏହା ସହିତ କୋଷ୍ଠକାଠିନ୍ୟରୁ ମଧ୍ୟ ଆରାମ ମିଳିଥାଏ । ପେଜ ମଧ୍ୟ ସୌନ୍ଦର୍ଯ୍ୟ  ପାଇଁ ଅତ୍ୟନ୍ତ ଲାଭଦାୟକ ହୋଇଥାଏ । ଏହାକୁ ତ୍ୱଚାରେ ଲଗାଇବା ଦ୍ୱାରା ଏହା ଦାଗ ଦୂର କରିବାରେ ସାହାଯ୍ୟ କରିବା ସହ ବ୍ରଣ ସମସ୍ୟାକୁ ମଧ୍ୟ ଦୂର କରିଥାଏ । ଏହାକୁ ସାମ୍ପୁ ଆକାରରେ କେଶରେ ଲଗାଇ ଥଣ୍ଡା ପାଣିରେ ଧୋଇବା ଦ୍ୱାରା କେଶର ଚମକ ବୃଦ୍ଧି ପାଇଥାଏ । ତେଣୁ ଏହାକୁ ନଫୋପାଡି ଏହାର ଉପଯୋଗ କରିବା ଉଚିତ୍ ।

Powered by Froala Editor