ଭାରତୀୟ ରେଳବାଇ ନୂଆ ‘ରେଲ୍‌ଓ୍ଵାନ୍‌’(RailOne) ଆପ୍ ଲଞ୍ଚ କରିଛି। ରେଳ ମନ୍ତ୍ରୀ ଅଶ୍ୱିନୀ ବୈଷ୍ଣବ ନୂଆଦିଲ୍ଲୀରେ ସେଣ୍ଟର ଫର୍ ରେଳୱେ ଇନଫର୍ମେସନ ସିଷ୍ଟମ୍ସ (CRIS)ର ୪୦ତମ ପ୍ରତିଷ୍ଠା ଦିବସ ଉତ୍ସବରେ ଏହି ଆପ୍‌କୁ ଉଦ୍‌ଘାଟନ କରିଛନ୍ତି। ଏହି ଆପ୍‌ ଯାତ୍ରୀମାନଙ୍କ ପାଇଁ ଏକ ଏକକ ଡିଜିଟାଲ୍ ପ୍ଲାଟଫର୍ମ ଭାବେ କାମ କରିବ, ଯେଉଁଠାରେ ଟିକେଟ୍ ବୁକିଂ, ଟ୍ରେନ୍ ସ୍ଥିତି ଯାଞ୍ଚ, PNR ଟ୍ରାକିଂ ଏବଂ ଅନ୍ୟାନ୍ୟ ସେବା ଏକାଠି ଉପଲବ୍ଧ ହେବ। ଏହି ଆପ୍‌ ଏବେ ଗୁଗଲ ପ୍ଲେ ଷ୍ଟୋର୍‌ ଓ ଆପଲ୍‌ ଆପ୍‌ ଷ୍ଟୋର ଉଭୟରେ ଉପଲବ୍ଧ ଅଛି।

ଏହାର ଉଦ୍ଦେଶ୍ୟ ଯାତ୍ରୀଙ୍କୁ ପୁରୁଣା ଓ ବିକ୍ଷିପ୍ତ ଆପ୍‌ ସିଷ୍ଟମରୁ ଯାତ୍ରୀଙ୍କୁ ମୁକ୍ତ କରିବା। ଏହା ପୂର୍ବରୁ ୟୁଜରଙ୍କୁ ଅଲଗା ଅଲଗା କାମ ପାଇଁ Rail Connect, NTES ,UTS, Rail Madad ଓ Food On Track ଭଳି ଆପ୍ସ୍‌ ବ୍ୟବହାର କରିବାକୁ ପଡ଼ୁଥିଲା , କିନ୍ତୁ ଏବେ ଏସବୁ ଫିଚର୍ସ ଗୋଟିଏ ହିଁ ଆପ୍‌ରେ ମିଳିଯିବ।

RailOneର ଇଣ୍ଟରଫେସ୍‌ ଆଧୁନିକ ଓ କ୍ଲିନ୍‌ ଡିଜାଇନ୍‌ ସହ ଆସିଥାଏ , ଯେଉଁଥିରେ ୟୁଜରଙ୍କ ଅନୁଭବ ଆହୁରି ଭଲ ହୋଇ ଯାଇଛି। ଏବେ ଟ୍ରେନ୍‌ ଟିକେଟ୍‌ ବୁକ୍‌ କରିବା , ଲାଇଭ୍‌ ଟ୍ରେନ୍‌ ଷ୍ଟାଟସ୍‌ ଦେଖିବା , ପିଏନଆର ଷ୍ଟାଟସ ଚେକ୍‌ କରିବା , ପ୍ଲାଟଫର୍ମ ଟିକେଟ୍‌ ନେବା ବା ଟ୍ରେନ୍‌ରେ ଖାଦ୍ୟ ଅର୍ଡର କରିବା – ସବୁକିଛି କେବଳ ଗୋଟିଏ ବା ଦୁଇଟି ଟ୍ୟାପ୍‌ରେ କରାଯାଇ ପାରେ।

ଏହା ପୂର୍ବରୁ ଯାତ୍ରୀମାନଙ୍କୁ ଟିକେଟ୍ ବୁକିଂ, ଖାଦ୍ୟ ଅର୍ଡର କିମ୍ବା ଟ୍ରେନ୍ ସ୍ଥିତି ଯାଞ୍ଚ ପାଇଁ ଅଲଗା ଅଲଗା ଆପ୍‌ ବ୍ୟବହାର କରିବାକୁ ପଡ଼ୁଥିଲା। ରେଲ୍‌ଓ୍ଵାନ୍‌ ଏହି ସମସ୍ୟାର ସମାଧାନ କରି ସମସ୍ତ ସେବାକୁ ଏକ ପ୍ଲାଟଫର୍ମରେ ଆଣିଛି, ଯାହା ଯାତ୍ରୀଙ୍କ ସମୟ ଓ ମୋବାଇଲ୍‌ର ଷ୍ଟୋରେଜ୍ ସାଙ୍ଗକୁ ସୁବିଧା ବଢ଼ାଇଛି।

Powered by Froala Editor