ପୂରା ପରିବାରକୁ ଭସାଇ ନେଲା ବନ୍ୟା
ଦେଖୁ ଦେଖୁ ବଢି ଚାଲିଲା ଜଳସ୍ରୋତ । ଚାରିଆଡେ ପାଣି ଦେଖି ଚିତ୍କାର କରୁଥିଲେ ୧୫ ଜଣ ଶିଶୁ ଓ ପୁରୁଷ ମହିଳା । କିଛି ସମୟ ମଧ୍ୟରେ ହିଁ ସମସ୍ତେ ପାଣି ସ୍ରୋତରେ ଭାସି ଯାଇଥିଲେ । ଏଭଳି ଦୃଶ୍ୟ ଯେ ଦେଖୁଛନ୍ତି ତାଜୁବ ହୋଇଯାଉଛନ୍ତି । ଏହାର ଭିଡିଓ ଭାଇରାଲ ହେଉଥିବାବେଳେ ଏହା ପାକିସ୍ତାନର ବୋଲି କୁହାଯାଉଛି ।
ଭିଡିଓରେ ଦେଖିବାକୁ ମିଳିଛି ଯେ ଏକ ନଦୀରେ ପ୍ରବଳ ବନ୍ୟାଜଳ ପ୍ରବାହିତ ହେଉଛି। ମଝିରେ ଫସି ରହିଛନ୍ତି ଗୋଟିଏ ପରିବାର। ୧୫ରୁ ଅଧିକ ଶିଶୁ ଏବଂ ବୟସ୍କ ନଦୀ ମଝିରେ ଏକ ଟାପୁ ଉପରେ ଛିଡ଼ା ହୋଇ ସାହାଯ୍ୟ ପାଇଁ ଚିତ୍କାର କରୁଛନ୍ତି। କିଛି ସମୟ ମଧ୍ୟରେ ପରିବାରର ସଦସ୍ୟଙ୍କ ଆଖି ଆଗରେ ଜଣକ ପରେ ଜଣେ ଭାସିଯାଉଛନ୍ତି।
ନଦୀ ବନ୍ଧ ନିକଟରେ କେତେକ ଲୋକ ଛିଡ଼ା ହୋଇ ଏସବୁ ଦୃଶ୍ୟ ଦେଖୁଛନ୍ତି। କିନ୍ତୁ ସାହାଯ୍ୟର କରିବାର କୌଣସି ବାଟ ନାହିଁ। ସୂଚନା ଅନୁସାରେ, ଶୁକ୍ରବାର ସକାଳେ ପାକିସ୍ତାନର ସ୍ଵାତ ନଦୀରେ ଏଭଳି ପ୍ରଳୟଙ୍କରୀ ବନ୍ୟା ଆସିଥିଲା। ଯେଉଁଥିରେ ଗୋଟିଏ ପରିବାର ପୂରା ଭାସିଯାଇଛନ୍ତି। ଏହି ଭିଡିଓ ଛାତି ଥରାଇ ଦେବା ଭଳି ହୋଇଛି । ଏଯାଏ ପରିବାରର କାହାର ବି ପତ୍ତା ମିଳିନଥିବା ସୂଚନା ମିଳିଛି ।
Powered by Froala Editor
