ପ୍ରଥମେ ଡାକିଲେ, ଦୁଇ ଦିନ ପରେ କହିଲେ କମ୍ପ୍ରୋମାଇଜ୍ କର : ପୂଜା
ତୁଳସୀ ଗଣନାଟ୍ୟ ମାଲିକ ଅନନ୍ତ ଧଳ ଓରଫ୍ ନାଣ୍ଡୁଙ୍କ ନାଁରେ ସାଂଘାତିକ ଅଭିଯୋଗ ଆଣିଲେ ଅଭିନେ୍ତ୍ରୀ ପୂଜା ଦାଶ । ଶାରୀରିକ ସଂମ୍ପର୍କ ରଖିବାକୁ ନାଣ୍ଡୁ ବାଧ୍ୟ କରୁଥିବା କହିଛନ୍ତି ପୂଜା ।
ସେ ଅଭିଯୋଗ ଆଣିଛନ୍ତି ଯେ, 8 ଲକ୍ଷ ଟଙ୍କାରେ ତାଙ୍କୁ ତୁଳସୀ ଗଣନାଟ୍ୟରେ ବୁକିଂ କରାଯାଇଥିଲା । କିନ୍ତୁ ଗଲା ପରେ 8 ଲକ୍ଷରୁ 14 ଲକ୍ଷ ଟଙ୍କା କରାଯାଇଥିଲା । ଏହା ଦେଖି ପୂଜାଙ୍କୁ ସନ୍ଦେହ ହେବାରୁ ସେ ଯାତ୍ରା ନାଣ୍ଡୁ ଙ୍କୁ ପ୍ରଶ୍ନ କରିଥିଲେ । କିନ୍ତୁ ଦୁଇ ଦିନ ପରେ, କାମ କରିବାକୁ ହେଲେ କମ୍ପ୍ରମାଇଜ କରିବାକୁ ପଡ଼ିବ ବୋଲି କହିଥିଲା ନାଣ୍ଡୁ ।
ନାଣ୍ଡୁ ତାଙ୍କୁ ସୁନା କରିଦେବି, ଭୁବନେଶ୍ବରରେ ଫ୍ଲାଟ୍ ଦେବି ବୋଲି କହିଲେ । ଏହା ସହ ଯେଉଁ ହୋଟେଲକୁ ଡାକିବି, ଆସିବୁ ବୋଲି ନାଣ୍ଡୁ କହିଥିଲେ । ସେ ମନା କରିବାରୁ, ତାଙ୍କୁ ଆର୍ଟିଷ୍ଟଙ୍କୁ ଲଗାଇ ରାଗିଂ କରାଯାଇଥିଲା ଏବଂ ଶେଷରେ ଯାତ୍ରା ପାର୍ଟିରୁ ବାହାର କରିଦିଆଯାଇଥିଲା ବୋଲି ଅଭିଯୋଗ ଆଣିଛନ୍ତି ପୂଜା । ଏ ବାବଦରେ ନାଣ୍ଡୁଙ୍କ ପ୍ରତିକ୍ରିୟା ମିଳିନଥିଲେ ବି ସେ ପ୍ରାୟ ସମୟରେ କଥାକୁ ଏଡାଇ ଯାଇଛନ୍ତି ।
Powered by Froala Editor
