କାନ୍ସ ଫେଷ୍ଟିଭାଲରେ ମୋଦୀ !
ଚଳିତବର୍ଷ ଅଭିନେତ୍ରୀ ରୁଚି ଗୁଜ୍ଜର ପିନ୍ଧିଥିବା ନେକଲେସ କାନ୍ସ ଫିଲ୍ମ ଫେଷ୍ଟିଭାଲରେ ସମସ୍ତଙ୍କ ଦୃଷ୍ଟି ଆକର୍ଷଣ କରିଛି। ମଡେଲ ରୁଚି ଗୁଜ୍ଜର ୨୦୨୫ ମସିହାରେ କାନ୍ସରେ ଡେବ୍ୟୁ କରିଥିଲେ। ଏଥିରେ ସେ ଏକ ଗୋଲ୍ଡ ଲେହେଙ୍ଗା ପିନ୍ଧିଥିଲେ। ଏଥିସହିତ ରୁଚି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଫଟୋ ଥିବା ଏକ ଆକର୍ଷଣୀୟ ପେଣ୍ଡେଣ୍ଟ ହାର ପିନ୍ଧିଥିଲେ। ଏହି ହାର ଏବେ ସମସ୍ତଙ୍କ ଦୃଷ୍ଟି ଆକର୍ଷଣ କରିଛି।
ରୁଚି ତାଙ୍କର ଏହି ସ୍ବତନ୍ତ୍ର ନେକଲେସକୁ ନେଇ କହିଛନ୍ତି " ଏହି ହାର କେବଳ ଅଳଙ୍କାର ନୁହେଁ - ଏହା ବିଶ୍ୱ ସ୍ତରରେ ଶକ୍ତି, ଦୃଷ୍ଟିକୋଣ ଏବଂ ଭାରତର ଉତ୍ଥାନର ପ୍ରତୀକ। ଏହାକୁ ପିନ୍ଧି ମୁଁ ପ୍ରଧାନମନ୍ତ୍ରୀଙ୍କୁ ସମ୍ମାନିତ କରିବାକୁ ଚାହିଁଥିଲି, ଯାହାଙ୍କ ନେତୃତ୍ୱ ଭାରତ ଏକ ନୂତନ ଉଚ୍ଚତାରେ ପହଞ୍ଚି ପାରିଛି।"
କାନ୍ସ ଫେଷ୍ଟିଭାଲରେ ନୂଆ ନୂଆ ଫ୍ୟାଶନ ଦେଖିବାକୁ ମିଳୁଛି । କିନ୍ତୁ ରୁଚିଙ୍କ ନିଆରା ପେଣ୍ଡେନ୍ ସତରେ ନୂଆ କିଛି କରିବାର ପ୍ରୟାସ ବୋଲି କୁହାଯାଉଛି ।
Powered by Froala Editor
