ଯକ୍ଷ୍ମା ପାଇଁ ୫ ଶହ ଚେଙ୍କ, ଯୁବକ ମୃତ
କେନ୍ଦୁଝର: କେନ୍ଦୁଝରରେ ଜଣେ ଯୁବକଙ୍କୁ ଅତ୍ୟନ୍ତ ଅମାନୁଷିକ ଭାବେ ୫ ଶହ ଚେଙ୍କ ଦିଆଯିବା ପରେ ଛଟପଟ ହୋଇ ଜୀବନ ହାରିଛନ୍ତି ଯୁବକ । ଏଭଳି ହୃଦୟ ବିଦାରକ ଘଟଣା ଘଟିଛି କେନ୍ଦୁଝର ଜିଲ୍ଲା ବାଂଶପାଳ ବ୍ଲକ ତଳକାଇଁସାରୀ ପଞ୍ଚାୟତର ଉପର କଇଁସାରୀ ଗାଁରେ । ଆଦିବାସୀ ଅଞ୍ଚଳରେ ମନରୁ ହଟୁନି ଅନ୍ଧବିଶ୍ୱାସ । ଆଉ ସେହି ଅନ୍ଧବିଶ୍ୱାସ ପାଇଁ ଯାଇଛି ଜଣେ ଯୁବକଙ୍କ ଜୀବନ ।
ଚେଙ୍କ ଚିକିତ୍ସା ପାଇଁ ଗାଁର ବିକାଶ ଦେହୁରୀ ମାତ୍ର ୩୪ ବର୍ଷରେ ପ୍ରାଣ ହରାଇଛନ୍ତି । ଯକ୍ଷ୍ମା ଆକ୍ରାନ୍ତ ବିକାଶଙ୍କୁ ଉପଯୁକ୍ତ ଚିକିତ୍ସା ସେବା ଯୋଗାଇ ନପାରି ଚେଙ୍କ ଚିକିତ୍ସା କରାଯାଉଥିଲା । ଗତ କିଛିଦିନ ହେଲା ତାଙ୍କ ଯନ୍ତ୍ରଣା ବଢ଼ି ଚାଲିଥିବା ବେଳେ ଦେହରେ ପ୍ରାୟ ୫ ଶହରୁ ଅଧିକ ଚେଙ୍କ ଦିଆଯାଇଥିଲା । ଚେଙ୍କ ଖାଇ ଖାଇ ଦୁର୍ବଳ ହୋଇ ପଡ଼ିଥିଲେ ବିକାଶ । ଆଉ ଶେଷରେ ବିକାଶ ଆଖି ବୁଜିଛନ୍ତି ।
Powered by Froala Editor
