ବଜ୍ରାଘାତରେ ଚାଲିଗଲା ୭ ଗୋରୁଙ୍କ ଜୀବନ
କାମାକ୍ଷାନଗର : ଢେଙ୍କାନାଳ ଜିଲ୍ଲା ତୁମୁସିଙ୍ଗା ଥାନା ସୋଗର ଗାଁରେ କାଳବୈଶାଖୀର ତାଣ୍ଡବ ଦେଖିବାକୁ ମିଳିଛି। ବଜ୍ରାପାତ ଘଟି ୭ଟି ଗୋରୁର ମୃତ୍ୟୁ ହୋଇଛି। ଗାଁର ଧୀରେନ୍ଦ୍ର କାଣ୍ଡି, ମାର୍କଣ୍ଡ ଦେହୁରୀ, ଜଟିଆ ଦେହୁରୀ ଓ ତ୍ରିଲୋଚନ ବାରିକଙ୍କ ଗୋରୁ ଗୁଡିକ ଗାଁ ପାଖ ପଡିଆରେ ଚରୁଥିବାବେଳେ ପ୍ରବଳ ବର୍ଷା , ଘଡଘଡି ମାରିଥିଲା। ଏବଂ ସେମାନେ ଏକ ଗଛ ମୂଳେ ଆଶ୍ରୟ ନେଉଥିଲେ। ଏହି ସମୟରେ ବଜ୍ରପାତ ଘଟିବାରୁ ଘଟଣାସ୍ଥଳରେ ସମସ୍ତ ୭ ଟି ଯାକ ଗୋରୁଙ୍କର ମୃତ୍ୟୁ ହୋଇଛି। ତୁରନ୍ତ କ୍ଷତିଗ୍ରସ୍ତ ପରିବାର ଲୋକଙ୍କୁ ସରକାରୀ ସହାୟତା ଯୋଗାଇ ଦେବାକୁ ଗ୍ରାମବାସୀମାନେ ଦାବି କରିଛନ୍ତି।
Powered by Froala Editor
