ଲଗାତାର ବର୍ଷା, ବିହାରରେ ପରିସ୍ଥିତି ଜଟିଳ
ପାଟନା : ବିହାରର ପାଣିପାଗରେ ଗତ କିଛି ଦିନରେ ପରିବର୍ତ୍ତନ ଦେଖିବାକୁ ମିଳିଛି । ବିଭିନ୍ନ ସ୍ଥାନରେ ୨ ଦିନ ହେବ ଲଗାତାର ବର୍ଷା ହେବାରୁ ପରିସ୍ଥିତି ଜଟିଳ ହୋଇପଡିଛି । ରାଜ୍ୟରେ ଆହୁରି ୨ ଦିନ ବର୍ଷା ହେବା ନେଇ ସତର୍କ ସୂଚନା ଜାରି କରାଯାଇଛି । ୧୦ ଜିଲାରେ ପ୍ରବଳ ବର୍ଷା ସହ ବଜ୍ରପାତର ମଧ୍ୟ ସମ୍ଭାବନା ରହିଛି । ଏହି ସମୟରେ ୪୦ ରୁ ୫୦ କିମି ବେଗରେ ପବନ ବହିପାରେ । ଗତ ୪୮ ଘଣ୍ଟାରେ ବିଭିନ୍ନ ସ୍ଥାନରେ ହୋଇଥିବା ପ୍ରବଳ ବର୍ଷା ଓ ବଜ୍ରପାତରେ ୫୬ ଜଣଙ୍କ ମୃତ୍ୟୁ ହୋଇ ସାରିଛି । ସବୁଠାରୁ ଅଧିକ ମୃତ୍ୟୁ ଗୁରୁବାର ନାଲନ୍ଦାରେ ହୋଇଛି । ମୃତକଙ୍କ ମଧ୍ୟରେ ଶିଶୁ ଅଧିକ ଥିବା କୁହାଯାଉଛି। ବର୍ଷା ପବନରୁ ରକ୍ଷା ପାଇବା ପାଇଁ ଗଛ ତଳେ, ବାହାର ସ୍ଥାନରେ ଥିବା ଲୋକଙ୍କ ମୃତ୍ୟୁ ଘଟିଛି ।
ସେହିପରି ଭୋଜପୁର ଜିଲାରେ ୫ ଜଣଙ୍କ ମୃତ୍ୟୁ ଘଟିଛି । ଏପ୍ରିଲ ୧୩ ପର୍ଯ୍ୟନ୍ତ ଅଧିକାଂଶ ସ୍ଥାନରେ ବର୍ଷା ହେବ । ଉତ୍ତରଭାରତର କେତେକ ରାଜ୍ୟର ବଜ୍ରପାତ ସହ ବର୍ଷା ହେବ । ଆଗାମୀ ୪୮ ଘଣ୍ଟା ମଧ୍ୟରେ ରାଜ୍ୟର ଉତ୍ତର ଏବଂ ଉତ୍ତର-ପୂର୍ବ ଅଞ୍ଚଳରେ ବର୍ଷା ହେବାର ସମ୍ଭାବନା ରହିଛି।
Powered by Froala Editor
