ସ୍ତ୍ରୀର ରିଲ୍ ପାଇଁ ଚାଲିଗଲା କନଷ୍ଟେବଳ ସ୍ବାମୀ ସ୍ବାମୀର ଚାକିରି। ଜେବ୍ରା କ୍ରସିଂରେ ନୃତ୍ୟ କରି ରିଲ୍ ତିଆରି କରିଥିଲେ ପତ୍ନୀ। ଭିଡିଓ ସାମ୍ନାକୁ ଆସିବା ପ‌ରେ ନିଲମ୍ବିତ ହେଲା ସ୍ବାମୀ। ଏହାର ଭିଡିଓ ଭାଇରାଲ ହେବା ପରେ ପୁଲିସ ପକ୍ଷରୁ ମହିଳାଙ୍କ ସ୍ବାମୀ ତଥା ଚଣ୍ଡୀଗଡ଼ ପୁଲିସରେ ନିଯୁକ୍ତ କନଷ୍ଟେବଳଙ୍କୁ ନିଲମ୍ବିତ କରାଯାଇଛି। ଏହା ସହିତ ୩ ଜଣଙ୍କ ବିରୋଧରେ ମାମଲା ରୁଜୁ ହୋଇଛି।

ଘଟଣାଟି ଚଣ୍ଡୀଗଡ଼ର ସେକ୍ଟର-୨୦ ଗୁରୁଦ୍ବାରା ଲାଇଟ ପଏଣ୍ଟ ନିକଟରେ ଘଟିଛି। ଜ୍ୟୋତି ନାମକ ଜଣେ ମହିଳା ନିଜର ଭାଉଜ ସହିତ ଜେବ୍ରା କ୍ରସିଂରେ ନାଚୁଥିବାର ଭିଡିଓ ତିଆରି କରିଥିଲେ। ଜ୍ୟୋତି ଏହି ଭିଡିଓକୁ ନିଜ ସ୍ବାମୀ ଅଜୟ କୁଣ୍ଡୁଙ୍କ ସାସାମଜିକ ଗଣମାଧ୍ୟମ ଆକାଉଣ୍ଟରେ ଅପଲୋଡ କରିଥିଲେ। ଏହି ଭିଡିଓ ତୁରନ୍ତ ଭାଇରାଲ ହୋଇଯାଇଥିଲା।

ଭିଡିଓ ସାମ୍ନାକୁ ଆସିବା ପରେ ପୁଲିସ ପକ୍ଷରୁ ତଦନ୍ତ ଆରମ୍ଭ ହୋଇଥିଲା। ତଦନ୍ତରୁ ଜଣାପଡ଼ିଥିଲା ଯେ ଭିଡିଓଟି ଅଜୟଙ୍କ ଆକାଉଣ୍ଟରୁ ଅପଲୋଡ୍‌ କରାଯାଇଛି। ଅଜୟ ଚଣ୍ଡୀଗଡ଼ ପୁଲିସରେ କନଷ୍ଟେବଳ ପଦବୀରେ ନିଯୁକ୍ତ ଥିବାବେଳେ ସେ ସେକ୍ଟର-୧୯ ଥାନାରେ କାର୍ଯ୍ୟରତ ଥିଲେ। ଏହି ରିଲ୍ ପାଇଁ ଟ୍ରାଫିକ୍ ସମସ୍ୟା ହୋଇଥିଲା ଏବଂ ଲୋକେ ଏହାକୁ ନେଇ ଟ୍ରାଫିକ୍ ବ୍ୟବସ୍ଥା ଉପରେ ଆଙ୍ଗୁଳି ଉଠାଇଥିଲେ। ଜ୍ୟୋତିଙ୍କ ରିଲ୍ ତାଙ୍କ ସ୍ବାମୀ କନଷ୍ଟେବଳ ଅଜୟ କୁଣ୍ଡୁଙ୍କୁ ଇନଷ୍ଟା ଆକାଉଣ୍ଟରୁ ଅପଲୋଡ୍ ହୋଇଥିବାରୁ ଏବେ ତାଙ୍କୁ ନିଲମ୍ବିତ କରାଯାଇଛି। ଏହି ନିଷ୍ପତ୍ତି ପରେ ସ୍ତ୍ରୀର ଭୁଲ ପାଇଁ ସ୍ବାମୀକୁ କାହିଁକି ଦଣ୍ଡ ମିଳିଲା ବୋଲି ଲୋକେ ପ୍ରଶ୍ନ କରିଛନ୍ତି।

Powered by Froala Editor