ବାରିଙ୍ଗି ଗାଁରେ ମହାବଳ ବାଘ ଆତଙ୍କ

ବୌଦ୍ଧ: ବୌଦ୍ଧ ଜିଲାର ବାରିଙ୍ଗି ଗାଁରେ ମହାବଳ ବାଘ ଆତଙ୍କ ଦେଖାଦେଇଛି। ମହାବଳ ବାଘକୁ ଦେଖି ଗ୍ରାମବାସୀ ଆତଙ୍କିତ ଥିବା ଜଣାପଡ଼ିଛି। ପୋଖରୀ ଖୋଳିବା ସମୟରେ ଜଙ୍ଗଲରୁ ବାଘ ବାହାରିଥିବା ଗ୍ରାମବାସୀ କହିଛନ୍ତି। ଏହାସହିତ ମୁଣ୍ଡେଶ୍ୱର ଜଙ୍ଗଲରେ ବାଘ ବୁଲୁଥିବା ସେମାନେ ଅଭିଯୋଗ କରିଛନ୍ତି। ମୁଣ୍ଡେଶ୍ୱର ଜଙ୍ଗଲରେ ବାଘ ବୁଲୁଥିବାରୁ ବାରିଙ୍ଗି ଗାଁର ଲୋକେ ଭୟଭୀତ ଓ ଆତଙ୍କିତ ଥିବା ପ୍ରକାଶ କରିଛନ୍ତି। ବୌଦ୍ଧ ବନଖଣ୍ଡ ମାଧପୁର ରେଞ୍ଜ ପକ୍ଷରୁ ଘଟଣାର ତଦନ୍ତ ଆରମ୍ଭ ହୋଇଛି। ବାଘର ଗତିବିଧି ଉପରେ ବନ ବିଭାଗ ପକ୍ଷରୁ ତୀକ୍ଷ୍ମଣ ନଜର ରଖାଯାଇଥିବାବେଳେ ଗ୍ରାମବାସୀ ସତର୍କ ରହିବା ସହିତ ଭୟଭୀତ ଓ ଆତଙ୍କିତ ନ ହେବାକୁ ପରାମର୍ଶ ଦିଆଯାଇଛି।
Powered by Froala Editor