‘ଶକ୍ତି ଶାଲିନି’ ପାଇଁ ସାଇନ୍ କଲେ କି କିଆରା?
ଶୁଣାଯାଉଛି ଯେ, ସୁପର୍ନାଚୁରାଲ କମେଡି ଫିଲ୍ମ ‘ଶକ୍ତି ଶାଲିନି’ରେ ନଜର ଆସିପାରନ୍ତି କିଆରା ଆଡ଼ଭାନି । ଦିନେଶ ଭିଜନଙ୍କ ମ୍ୟାଡ୍ଡକ୍ ଫିଲ୍ମସ ଏହାର ନିର୍ମାଣ ଦାୟିତ୍ୱରେ ଅଛି । ୨୦୨୪ରେ କିଆରାଙ୍କୁ ଅନେକ ଥର ମ୍ୟାଡ୍ଡକ୍ ଅଫିସ୍ରେ ଦେଖିବାକୁ ମିଳିଥିଲା । ତା’ପରଠୁ କିଆରାଙ୍କ ଫିଲ୍ମ ସାଇନ୍ କଥା ଚର୍ଚ୍ଚା ହେଉଛି । କେବଳ ଔପଚାରିକ ଘୋଷଣା ବାକି ଅଛି । ମ୍ୟାଡ୍ଡକ୍ ‘ଶକ୍ତି ଶାଲିନି’ ବିଷୟରେ ମଧ୍ୟ କୌଣସି ତଥ୍ୟ ଶେୟାର କରିନାହିଁ ।
ଯଦି ଖବର ସତ ହୁଏ, ମ୍ୟାଡ୍ଡକ୍ ଫିଲ୍ମସ ସହ କିଆରାଙ୍କର ଏହା ପ୍ରଥମ ଫିଲ୍ମ ହେବ । ଫିଲ୍ମରେ ଏଭଳି ଜଣେ ଲିଡ୍ ଲେଡି ଆବଶ୍ୟକ ଯିଏ, ନିଜର ସାମର୍ଥ୍ୟ ଓ ଦୁର୍ବଳତା ଉଭୟକୁ ପରଦାରେ ପ୍ରଦର୍ଶନ କରିବେ । ଫିଲ୍ମ ନିର୍ମାତା ଏହି ଗୁଣକୁ କିଆରାଙ୍କ ପାଖରେ ପାଇଥିବା ଚର୍ଚ୍ଚା ହେଉଛି ।
ଏହି ପ୍ରଡକ୍ସନ୍ ହାଉସ୍ ଆଗାମି ୪ ବର୍ଷରେ ରିଲିଜ୍ ହେବାକୁ ଥିବା ଫିଲ୍ମର ତାଲିକା ଜାରି କରିଥିଲା । ଏ ବର୍ଷ ଡିସେମ୍ବର ୩୧ରେ ‘ଶକ୍ତି ଶାଲିନି’ର ରିଲିଜ୍ ତାରିଖ ସ୍ଥିର ହୋଇଛି । ସୂଚନାଯୋଗ୍ୟ ଯେ, କିଆରାଙ୍କ ଅପ୍କମିଙ୍ଗ ପ୍ରୋଜେକ୍ଟରେ ଅଛି ତେଲୁଗୁ ଫିଲ୍ମ ‘ଗେମ୍ ଚେଞ୍ଜର’ । ଏଥିରେ ସେ ରାମଚରଣଙ୍କ ସହ ସ୍କ୍ରିନ୍ ଶେୟାର କରିଛନ୍ତି ।
Powered by Froala Editor