ଭୁବନେଶ୍ୱର: ସୋଆ ଏନ୍ଏସ୍ଏସ୍ ଓ ୱେଲ୍ନସ୍ ସେଂଟରର ମିଳିତ ଉଦ୍ୟମରେ ନିଷିଦ୍ଧ ନିଶା ଦ୍ରବ୍ୟର ଅପବ୍ୟବହାର ଓ ଅବୈଧ ଚାଲାଣ ଉପରେ ନିକଟରେ ଏକ ୱେବିନାର ଅନୁଷ୍ଠିତ ହୋଇଥିଲା । ନିଶା ବ୍ୟବହାର ଓ ତା'ର ଅପବ୍ୟବହାରର ତର୍ଜମା କରିବା ସହ ଏକ ସନ୍ତୁଳିତ ଶରୀର ଓ ମନ ନେଇ ଆଧ୍ୟାତ୍ମିକତାରେ ଜଡିତ ନ ହେବା ଯାଏଁ ଭଲ-ମନ୍ଦର ତଫାତ ବାରିବା ସହଜ ନୁହେଁ ବୋଲି ଏହି ୱେବିନାର୍ରେ ଶିକ୍ଷା ଓ ଅନୁସନ୍ଧାନ (ସୋଆ) ର କୁଳପତି ପ୍ରଫେସର ଅଶୋକ କୁମାର ମହାପାତ୍ର ପୋ÷ରହିତ କରି କହିଥିଲେ । "ସୁସ୍ଥ ସମାଜ ପାଇଁ ଆଧ୍ୟାତ୍ମିକତା’ ପ୍ରସଙ୍ଗରେ ପ୍ରଫେସର ମହାପାତ୍ର ନିଜର ମତରଖି ଏହା କହିଥିଲେ । ଏହି ୱେବିନାରରେ ମୁଖ୍ୟ ବକ୍ତା ଭାବେ  ଯୋଗ ଦେଇ  ମହମ୍ମଦ ଇମ୍ରାନ୍ ଅଲ୍ଲୀ ମାଦକ ଦ୍ରବ୍ୟର ପ୍ରଭାବ, ଅଜାଣତରେ କିପରି ପିଲାମାନେ ଏହି ବଦାଭ୍ୟାସର ଶିକାର ହେଉଛନ୍ତି ଓ ବାସ୍ତବ ଜୀବନର ଉଦାହରଣ ଦେଇ ବୁଝାଇଥିଲେ । 
ଦିନ ଥିଲା ପୁରୁଷଙ୍କ ଭିତରେ ନିଶାର ପ୍ରଚଳନ ସର୍ବାଧିକ ଥିଲା କିନ୍ତୁ ବର୍ତମାନ ଉଚ୍ଚ ଶିକ୍ଷିତା ନାରୀମାନଙ୍କ ଭିତରେ ମାଦକ ଦ୍ରବ୍ୟ ସେବନ ଅଭ୍ୟାସ ବଢ଼ିବାରେ ଲାଗିଛି । ଏହା ଉଦ୍ବେଗଜନକ କାରଣ ମ୍ୟାଲେରିଆ ଓ ଏଡ୍ସ ପରି ଅନ୍ୟ ବ୍ୟାଧିରେ ଯେତିକି ଲୋକ ମରୁଛନ୍ତ ତା'ଠୁ ବେଶୀ ମନୁଷ୍ୟ ପ୍ରତିବର୍ଷ ନିଶା ଜନିତ କର୍କଟ ରୋଗରେ ମୃତୁ୍ୟ ବରଣ କରୁଛନ୍ତି ବୋଲି ସେ କହିଥିଲେ । ଭାରତ ବିଶ୍ୱର ମୁଖ ଗହ୍ୱର କର୍କଟ ରୋଗର ରାଜଧାନୀ ପାଲଟିବ ବୋଲି ଆଶଙ୍କା ପ୍ରକାଶ କରି ନିଶା ନିବାରଣ କେନ୍ଦ୍ରର ସହାୟତାରେ ନିଶାମୁକ୍ତ ସ୍ୱାଭାବିକ ଜୀବନ ଯାପନ ସମ୍ଭବ ବୋଲି ସେ ଏହି ୱେବିନାରରେ କହିଥିଲେ । ଏହି ୱେବିନାରରେ ଡିନ୍ (ଛାତ୍ରମଙ୍ଗଳ) ପ୍ରଫେସର ଜ୍ୟୋତିରନ ଦାସ ଅତିଥି ପରିଚୟ ଦେଇଥିବା ବେଳେ ୟୁନିଭର୍ସିଟି ଆଉଟରିଚ୍ ପ୍ରୋଗ୍ରାମ ନିଦେ୍ର୍ଧଶକ ତଥା ଏନ୍ଏସ୍ଏସ୍ କାର୍ଯ୍ୟକ୍ରମ ସଂଯୋଜକ ପ୍ରଫେସର ନଚିକେତା କେ. ଶର୍ମା ବିଶ୍ୱବିଦ୍ୟାଳୟ ଓ ଏନ୍ଏସ୍ଏସ୍ ଦ୍ୱାରା ଆୟୋଜିତ ୱେବିନାର ବିଷୟରେ କହିଥିଲେ । ଅତିରିକ୍ତ ପ୍ରୋଗ୍ରାମ୍ କୋର୍ଡିନେଟର ଡ. ଶୋଭନ୍ ପଟ୍ଟନାୟକ ଧନ୍ୟବାଦ ଅର୍ପଣ କରିଥିଲେ । ଉଭୟ ଗୁଗୁଲମିଟ୍ ଓ ୟୁଟୁ୍ୟବ୍ରେ ପ୍ରସାରିତ ଏହି କାର୍ଯ୍ୟକ୍ରମରେ ୨୦୦ରୁ ଊଦ୍ଧ୍ୱର୍ ଛାତ୍ରଛାତ୍ରୀ, ଡିନ୍, ଏନ୍ଏସ୍ଏସ୍ ସ୍ୱେଚ୍ଛାସେବୀ, ପ୍ରୋଗ୍ରାମ ଅଫିସର ଓ ଅନ୍ୟାନ୍ୟ କର୍ମକର୍ତା ଯୋଗ ଦେଇଥିଲେ ।

Powered by Froala Editor