ଦିନକୁ ଦିନ ବଦଳୁଛି ଜଳବାୟୂ, ଏହା ସହିତ ପରିବର୍ତ୍ତନ ହେଉଛି ମଣିଷର ଅଭ୍ୟାସ । ଆଜିକାଲି ଦ୍ରୁତ ଗତିରେ ଜୀବନରେ ରୋଗ ହେବାର ଆଶଙ୍କା ବୃଦ୍ଧି ପାଉଛି । ଏପରି ସ୍ଥଳେ ଲୋକମାନେ କିପରି ନିଜକୁ ସୁସ୍ଥ ରଖିବେ, ସେଥିପାଇଁ ଅନେକ ଉପାୟ ଅବଲମ୍ବନ କରୁଛନ୍ତି । ଆଜି ଅନେକ ଲୋକଙ୍କ ହାର୍ଟ ଜନିତ ରୋଗ ପାଇଁ ଜୀବନ ଯାଉଛି । ତେଣୁ ସର୍ବଦା ହୃଦୟକୁ ସୁରକ୍ଷିତ ରଖିବା ଆବଶ୍ୟକ । ଏଥିପାଇଁ ଖାଦ୍ୟ ପେୟ ପ୍ରତି ବିଶେଷ ଧ୍ୟାନ ଦେବାକୁ ପଡିଥାଏ । ତେବେ ଏପରି କିଛି ଖାଦ୍ୟଠାରୁ ଦୂରେଇ ରହିବାକୁ ପଡିବ ନଚେତ୍ ହୃଦ ରୋଗର ଶିକାର ହେବାର ଅନେକ ସମ୍ଭାବନା ରହିଛି । ସେହି ଖାଦ୍ୟ ଗୁଡିକ ହେଲା,

ଏନର୍ଜୀ ଡ୍ରିଙ୍କ୍: ଯେତେବେଳେ ଆମେ ଭ୍ରମଣରେ ଯାଇଥାଉ କିମ୍ବା କ୍ଳାନ୍ତ ଅନୁଭବ କରିଥାଉ ଆମେ ଏନର୍ଜୀ ଡ୍ରିଙ୍କ୍ସ ପିଇଥାଉ । କିନ୍ତୁ ଏଥିରେ ଥିବା ୟୁରିନ୍ ଓ ଗୁଆରାନା ଥାଏ ଯାହା କଫିନ୍ ସହିତ ମିଶିଲା ପରେ ହୃଦସ୍ପନ୍ଦନ ତୀବ୍ର କରିଥାଏ । ଏହା ସ୍ୱାସ୍ଥ୍ୟ ପାଇଁ ଭଲ ନୁହେଁ । ତେଣୁ ଏଥିରୁ ଦୂରେଇ ରୁହନ୍ତୁ ।

ସୋଡା : ଅନେକ ଲୋକଙ୍କ ଅଭ୍ୟାସ ଅଛିଯେ, ସେମାନେ ଖାଇଲା ପରେ ମଦ କିମ୍ବା ସୋଡା ପିଇଥାଆନ୍ତି । କିନ୍ତୁ ଲୋକମାନେ ଭୁଲିଯାଆନ୍ତି ଯେ, ସୋଡା ପିଇବା ଦ୍ୱାରା ରକ୍ତରେ ଶର୍କରା ସ୍ତର ବୃଦ୍ଧି ପାଇଥାଏ ଓ ଏହା ଧମନୀରେ ଚାପ ସୃଷ୍ଟି କରିପାରେ, ଯାହା ହୃଦୟରୁ ଶରୀରର ଅନ୍ୟ ଅଂଶକୁ ରକ୍ତ ନେଇଥାଏ, ଯେଉଁ କାରଣରୁ ହୃଦଘାତର ଆଶଙ୍କା ବଢିବାର ସମ୍ଭାବନା ଥାଏ

ଚିପ୍ସ ଓ ଫ୍ରାଏଡ ଚିକେନ୍ : ଚିପ୍ସରେ ଅଧକ ଲୁଣ ଥିବାରୁ ଏହା ହୃଦୟକୁ ବିପଦରେ ପକାଇଥାଏ । ଆଳୁ ଚିପ୍ସ ଟ୍ରାନ୍ସ ଫ୍ୟାଟ, କାର୍ବସ୍ ଓ ସୋଡିୟମ ଭରପୂର ଅଟେ, ତେଣୁ ଏହା ଅତ୍ୟନ୍ତ କ୍ଷତିକାରକ ଅଟେ । ଫ୍ରାଏଡ ଚିକେନରେ ମଧ୍ୟ ଅଧିକ ପରିମାଣରେ ଟ୍ରାନ୍ସ ଫ୍ୟାଟ ରହିଥାଏ ଯାହା ସ୍ୱାସ୍ଥ୍ୟ ପାଇଁ ଭଲ ହୋଇନଥାଏ ।  ତେଣୁ ଏହି ସବୁ ଖାଦ୍ୟଠାରୁ ଯଥାସମ୍ଭବ ଦୂରେଇ ରୁହନ୍ତୁ ।

Powered by Froala Editor