ଚତୁର୍ଦଶ ‘ସଙ୍ଗମ ମହାଆଳତି’ ତ୍ରିବେଣୀ ଘାଟରେ
ଭୁବନେଶ୍ବର: ସୁବର୍ଣ୍ଣପୁରର ତ୍ରିବେଣୀ ସଂଗମ ସ୍ବର୍ଣ୍ଣ ପ୍ରୟାଗ ଘାଟରେ ୧୪ଶ “ସଂଗମ ମହାଆଳତି” ମହା ସମାରୋହରେ ଅନୁଷ୍ଠିତ ହୋଇଯାଇଛି । ନଦୀର ସୁରକ୍ଷା ଓ ପ୍ରବାହିତ ନଦୀ ଜଳର ସ୍ବଚ୍ଛତା ବାର୍ତ୍ତାରେ ଆୟୋଜିତ ସଂଗମ ମହାଆଳତି ମଣ୍ଡପରେ ଉଦୟମାନ ଚନ୍ଦ୍ରକୁ ଆଲଟ-ଚାମର ସେବା ସହ କର୍ପୁରମିଶା ତ୍ରିଆଳତି ଅର୍ପଣ କରାଯାଇଛି । ଦ୍ବିତୀୟ ବାରାଣସୀ ଭାବେ ପରିଚିତ ସୁବର୍ଣ୍ଣପୁରର ମହାନଦୀ, ତୈଲ ଓ କର୍ପୁର ନଦୀର ସଂଗମସ୍ଥଳିରେ ଆୟୋଜିତ ଏହି ଭବ୍ୟ ଆଧ୍ୟାତ୍ମିକ ସମାରୋହରେ ଅତିରିକ୍ତ ଜିଲ୍ଲାପାଳ ଅଞ୍ଜଳିନା ପ୍ରଧାନ ଅତିଥିଭାବେ ଯୋଗଦେଇଥିଲେ। ସେ ସୁବର୍ଣ୍ଣପୁରର ସାଂସ୍କୃତିକ ଅସ୍ମିତାର ସ୍ମୃତି କଥନ ସହ ନଦୀର ସୁରକ୍ଷା ଓ ଜଳର ପବିତ୍ରତାକୁ ନେଇ ବାର୍ତ୍ତା ଦେଇଥିଲେ । କାର୍ତ୍ତିକ ପୂର୍ଣ୍ଣିମାର ତ୍ରିସଂଧ୍ୟାରେ ଆୟୋଜିତ ସଂଗମ ମହାଆଳତି କାର୍ଯ୍ୟକ୍ରମରେ ହଜାର ହଜାର ଶ୍ରଦ୍ଧାଳୁ ନଦୀର ସ୍ବଚ୍ଛତାକୁ ନେଇ ସଂକଳ୍ପ ନେଇଥିବାବେଳେ ମହାର୍ଘ ଚନ୍ଦ୍ର ପୂଜନରେ ସାମିଲ ହୋଇଥିଲେ।
Powered by Froala Editor
