କେନ୍ଦୁଝର ସରକାରୀ ଯାନ୍ତ୍ରିକ ମହାବିଦ୍ୟାଳୟରେ ଜଣେ ଜୁନିୟର ଛାତ୍ରଙ୍କୁ ରାଗିଂ ଅଭିଯୋଗରେ ୫ ଜଣ ସିନିୟର ଛାତ୍ରଙ୍କୁ ଗିରଫ କରିଛି ଟାଉନ ଥାନା ପୁଲିସ। ଏହା ସହିତ କଲେଜ କର୍ତ୍ତୃପକ୍ଷ ସେମାନଙ୍କୁ ୧ ବର୍ଷ ପାଇଁ ବାସନ୍ଦ କରିଛନ୍ତି।

ଅଭିଯୋଗ ଅନୁଯାୟୀ, ସିନିୟର ଛାତ୍ର ମୋହିତ ପାତ୍ର, ସାଫଲ୍ୟ ମଲ୍ଲିକ, କୁସୁମ ହାଁସଦା, ଶେଖର ଏବଂ ବାବୁ ଦାସ ମଙ୍ଗଳବାର ରାତିରେ କଲେଜ ପରିସରରେ ଥିବା ବଳଦେବଜୀଉ ହଷ୍ଟେଲର ୧୧୨ ନମ୍ବର ରୁମ୍‌ର କବାଟ ଭାଙ୍ଗି ଭିତରେ ପଶି ଲୁହାରଡ୍‌ ଓ ବାଡ଼ିରେ ପିଟାପିଟି କରିଥିଲେ। ସେମାନଙ୍କ ଆକ୍ରମଣରେ ବିଶ୍ୱଜିତ୍‌ ବେହେରା ଗୁରୁତର ହୋଇଥିଲେ। ତାଙ୍କୁ କେନ୍ଦୁଝର ମୁଖ୍ୟ ଡାକ୍ତରଖାନାକୁ ଚିକିତ୍ସା ପାଇଁ ଅଣାଯାଇଥିଲା।

ଅଭିଯୋଗ ଅନୁଯାୟୀ, ସେମାନେ ବିଶ୍ୱଜିତ୍‌ଙ୍କଠାରୁ ସୁନା ଚେନ୍‌ ଛଡ଼ାଇ ନେବା ସହ ହାତ ଓ ଗୋଡ଼କୁ ବାଡ଼େଇ ମାଡ଼ ମାରିଥିଲେ। ଫଳରେ ସେ ଅଚେତ ହୋଇଯାଇଥିଲେ। ଅଚେତ୍‌ ଅବସ୍ଥାରେ ତା’ଙ୍କ ସାଙ୍ଗମାନେ ମେଡିକାଲ ନେଇଥିଲେ।

ପୂର୍ବରୁ ସେମାନେ ବିଶ୍ୱଜିତ୍‌ଙ୍କୁ ବାରମ୍ବାର ର଼୍ୟାଗିଂ କରି ଆସୁଥିଲେ ବୋଲି କଲେଜ କର୍ତ୍ତୃପକ୍ଷଙ୍କୁ ଅଭିଯୋଗ କରିଥିଲେ। ତେବେ କଲେଜ କର୍ତ୍ତୃପକ୍ଷ ଏ ନେଇ କୌଣସି ପଦକ୍ଷେପ ନେଇ ନ ଥିଲେ ବୋଲି ତାଙ୍କ ବାପା ଅଭିଯୋଗ କରିଛନ୍ତି। ଅଭିଯୋଗ ହେବା ପରେ ଟାଉନ ଥାନା ପୋଲିସ କେସ୍‌ ନମ୍ବର ୫୧୫/୨୪ରେ ୫ ଅଭିଯୁକ୍ତ ଛାତ୍ରଙ୍କ ବିରୋଧରେ ମାମଲା ରୁଜୁ କରି ସେମାନଙ୍କୁ ଅଟକ ରଖି ତଦନ୍ତ କରୁଛି।

Powered by Froala Editor