ପରୁଷବନ୍ଧୁଙ୍କ ସାମନାରେ ପ୍ରେମିକାଙ୍କୁ ଦୁଷ୍କର୍ମ , ୩ ଅଟକ
ନୟାଗଡ଼ରୁ ଦୁଷ୍କର୍ମ ମାମଲା ସାମ୍ନାକୁ ଆସିଛି। ୩ ଜଣ ଦୁର୍ବୃତ୍ତ ଜଣେ ପ୍ରେମିକ ସାମ୍ନାରେ ପ୍ରେମିକାଙ୍କୁ ଦୁଷ୍କର୍ମ କରିଛନ୍ତି। ପୁରୁଷବନ୍ଧୁଙ୍କ ହାତଗୋଡ଼ ବାନ୍ଧି ତାଙ୍କ ସମ୍ମୁଖରେ ଯୁବତୀଙ୍କୁ ଗଣଦୁଷ୍କର୍ମ କରିଛନ୍ତି ଏହି ଦୁର୍ବୃତ୍ତ। ନୟାଗଡ଼ ଜିଲ୍ଲା ଫତେଗଡ଼ ଥାନା ପୀଠାଖାଇ ଗାଁ’ ନିକଟ ସଂରକ୍ଷିତ ଶାଳ ଜଙ୍ଗଲ ଘଟିଛି ଏହି ଅଭାବନୀୟ ଘଟଣା। ଜଙ୍ଗଲକୁ ଟେକି ନେଇ ତିନି ଜଣ ଯୁବକ ସେମାନଙ୍କ ଉପରେ ଅକଥନୀୟ ଅତ୍ୟାଚାର କରିଥିବା ପୀଡ଼ିତା ଆଜି ଫତେଗଡ଼ ଥାନାରେ ଅଭିଯୋଗ କରିଛନ୍ତି। ଯୁବତୀଙ୍କ ଅଭିଯୋଗ ଆଧାରରେ ପୁଲିସ ଏହି ମାମଲାରେ ସମ୍ପୃକ୍ତ ତିନି ଜଣଙ୍କୁ ଥାନାରେ ଅଟକ ରଖି ପଚରାଉଚରା ଚଳାଇଛି।
ସୂଚନାନୁଯାୟୀ, ଏହି ପ୍ରେମୀ ଯୁଗଳ ଫତେଗଡ଼ରେ ନିର୍ମିତ ରାମ ମନ୍ଦିର ବୁଲିବାକୁ ଯାଇଥିଲେ। ଘରକୁ ଫେରିବା ସମୟରେ ୩ଜଣ ଦୁର୍ବୃତ୍ତ ପ୍ରେମୀ ଯୁଗଳଙ୍କୁ ଏକାକୀ ଦେଖି ସେମାନଙ୍କୁ ଅଟକାଇ ଥିଲେ। ଏହାପରେ ଛୁରୀ ଦେଖାଇ ଗଣ ଦୁଷ୍କର୍ମ କରିଥିଲେ। ଖାଲି ଏତିକି ନୁହେଁ, ଏହି ସମସ୍ତ ଦୃଶ୍ୟକୁ ଫୋନରେ ରେକର୍ଡ କରି, ଭିଡିଓକୁ ସୋସିଆଲ ମିଡିଆରେ ଭାଇରାଲ ମଧ୍ୟ କରିଛନ୍ତି।
Powered by Froala Editor
