ବିଜୁଳି ତାର ଲାଗି ହଟ୍ ଏୟାର ବେଲୁନ ଜଳିଗଲା, ୫ ମୃତ
‘ହଟ୍ ଏୟାର ବେଲୁନ’ ବିଜୁଳି ତାରରେ ଲାଗି ଯିବାରୁ ୫ ଜଣଙ୍କ ମୃତ୍ୟୁ ଘଟିଛି । ଯୁକ୍ତରାଷ୍ଟ୍ର ଆମେରିକାର ନିୟୁ ମେକ୍ସିକୋ ଅନ୍ତର୍ଗତ ଆଲ୍ବିକୁକିରେ ଏହି ଦୁର୍ଘଟଣା ଘଟିଛି । ମୃତ ବ୍ୟକ୍ତିମାନଙ୍କ ମଧ୍ୟରେ ଅଛନ୍ତି ସହର ପୁଲିସ ବିଭାଗର ଜଣେ କାରାଗାର ପରିବହନ ଅଧିକାରୀଙ୍କର ପିତାମାତା, ଜଣେ ମହିଳା, ଜଣେ ପୁରୁଷ ଓ ‘ହଟ୍ ବେଲୁନ୍’ର ପାଇଲଟ୍। ଏହି ଦୁର୍ଘଟଣା ଯୋଗୁଁ ହୋଇଥିବା ବିଜୁଳି କାଟ ଯୋଗୁଁ ସମ୍ପୃକ୍ତ ଅଞ୍ଚଳର ୧୩୦୦୦ ଘର ଅନ୍ଧାର ହୋଇଯାଇଥିଲା।
ପୁଲିସ କହିବା ଅନୁସାରେ, ଯାତ୍ରୀମାନେ ବସିଥିବା ବାସ୍କେଟ୍ଟି ‘ହଟ୍ ଏୟାର୍ ବେଲୁନ୍’ରୁ ଛିଡ଼ି ତଳେ ପଡ଼ିଯାଇଥିଲା । ବାସ୍କେଟ୍ଟି ୩୦ ମିଟର୍ ଉପରୁ ଖସି ରାସ୍ତାରେ ପଡ଼ି ପୋଡ଼ିଯାଉଥିବା ବେଳେ ଉପରେ ଉଡୁଥିବା ବେଲୁନ୍ଟି ଅନ୍ୟତ୍ର ପଡ଼ିଯାଇଥିଲା । ବେଲୁନ ବିଜୁଳି ତାରରେ ବାଜିବାରୁ ୫ ଜଣଙ୍କ ଘଟଣାସ୍ଥଳରେ ହିଁ ମୃତ୍ୟୁ ଘଟିଥିଲା ।
Powered by Froala Editor
