ଲାଇଭ୍ ପ୍ରେସ୍ ମିଟ୍ ବେଳେ କଂଗ୍ରେସ କର୍ମୀଙ୍କୁ ହୃଦଘାତ
ବେଙ୍ଗାଲୁରୁ ପ୍ରେସ କ୍ଲବରେ ଏକ ସାମ୍ବାଦିକ ସମ୍ମିଳନୀରେ ସମ୍ବୋଧିତ କରୁଥିବା ବେଳେ ଜଣେ କଂଗ୍ରେସ ନେତାଙ୍କ ମୃତ୍ୟୁ ଘଟିଛି। ସର୍ବସମ୍ମୁଖରେ ଟଳି ପଡିଲେ କର୍ଣ୍ଣାଟକ କଂଗ୍ରେସ କର୍ମୀ ତଥା କୋଲାର ଜିଲ୍ଲାର କୁରୁବା ସଂଗଠନର ସଭାପତି ସିକେ ରବିଚନ୍ଦ୍ରନ୍।
କର୍ଣ୍ଣାଟକର ବହୁ ଚର୍ଚ୍ଚିତ ମଇସୁର ଅର୍ବାନ୍ ଡେଭଲପମେଣ୍ଟ ଅଥରିଟି ତଥା MUDA ଦୁର୍ନୀତି ପ୍ରସଙ୍ଗରେ ଏହି ସାମ୍ବାଦିକ ସମ୍ମିଳନୀ ଆୟୋଜିତ ହୋଇଥିଲା। ନିକଟରେ ଏହି ଦୁର୍ନୀତି ସମ୍ପର୍କରେ ରାଜ୍ୟପାଳ ଥାବରଚାନ୍ଦ ଗେହଲଟ୍ ମୁଖ୍ୟମନ୍ତ୍ରୀ ସିଦ୍ଧରମୈୟାଙ୍କୁ ନୋଟିସ୍ ବିଷୟରେ ରବିଚନ୍ଦ୍ରନ୍ ପ୍ରେସ୍ ମିଟ୍ରେ କହୁଥିଲେ।
ରାଜ୍ୟପାଳଙ୍କ ନିଷ୍ପତ୍ତିକୁ ବିରୋଧ କରି ଗଣମାଧ୍ୟମକୁ ସୂଚନା ଦେଉଥିବାବେଳେ ସି.କେ ରବିଚନ୍ଦ୍ରନଙ୍କ ହୃଦଘାତ ହୋଇଥିଲା। କୁରୁବରା ସଂଗଠନର ସଭାପତି ତଥା କୋଲାର ଜିଲାର ବାସିନ୍ଦା ରବିଚନ୍ଦ୍ରନ ଅସହଜ ଅନୁଭବ କରି ତଳେ ପଡ଼ିଯାଇଥିଲେ। ସମ୍ବୋଧନବେଳେ ତଳେ ପଡ଼ିଯିବାରୁ ଏହି ଦୁଃଖଦ ଘଟଣା କ୍ୟାମେରାରେ କଏଦ ହୋଇଥିଲା। ତାଙ୍କୁ ତୁରନ୍ତ କନିଙ୍ଗହାମ ରୋଡରେ ଥିବା ଫୋର୍ଟିସ ହସ୍ପିଟାଲରେ ଭର୍ତ୍ତି କରାଯାଇଥିଲା, କିନ୍ତୁ ସେଠାରେ ପହଞ୍ଚିବା ପରେ ତାଙ୍କୁ ମୃତ ଘୋଷଣା କରାଯାଇଥିଲା।
Powered by Froala Editor
