ନୂଆଦିଲ୍ଲୀ:ପ୍ରତିରକ୍ଷା ମନ୍ତ୍ରୀ ରାଜନାଥ ସିଂଙ୍କୁ ଆଜି ଦିଲ୍ଲୀଠାରେ ଭେଟିଛନ୍ତି  ଭୁବନେଶ୍ୱର ସାଂସଦ ତଥା ବିଜେପି ରାଷ୍ଟ୍ରୀୟ ପ୍ରବକ୍ତା ଅପରାଜିତା ଷଡ଼ଙ୍ଗୀ   । ଆଜି ପ୍ରତିରକ୍ଷା ମନ୍ତ୍ରୀ  ରାଜନାଥ ସିଂ ମହୋଦୟଙ୍କୁ ସାକ୍ଷାତ କରି ନୟାପଲ୍ଲୀ ଅଞ୍ଚଳରେ ଜଳ ନିଷ୍କାସନ ପାଇଁ ୧୨୦ ବାଟାଲିୟନ ପରିସରରେ ଡ୍ରେନ ନିର୍ମାଣ ପାଇଁ ଅନୁମତି ମିଳିଥିବାରୁ ନୟାପଲ୍ଲୀ ଏବଂ ରାଜଧାନୀ ବାସୀଙ୍କ ତରଫରୁ ମନ୍ତ୍ରୀ ମହୋଦୟଙ୍କୁ ଅପରାଜିତା ଧନ୍ୟବାଦ ଏବଂ କୃତଜ୍ଞତା ଜ୍ଞାପନ କରିଛନ୍ତି   । ଏହି ଅବସରରେ ସାଂସଦ ମହୋଦୟା ମନ୍ତ୍ରୀ ମହୋଦୟଙ୍କୁ ବାର୍ଷିକ ରିପୋର୍ଟ କାର୍ଡ (ଦ୍ୱିତୀୟ ବର୍ଷ) ପୁସ୍ତକ ଅର୍ପଣ କରିଥିଲେ । ପ୍ରକାଶ ଯେ, ନିକଟରେ ଭୁବବେନଶ୍ୱର ସାଂସଦ ଅପରାଜିତା ଷଡ଼ଙ୍ଗୀ ଆଜି ସାଂସଦଭାବେ ଦ୍ୱିତୀୟ ବାର୍ଷିକ ରିପୋର୍ଟ କାର୍ଡ  ଦେଇଥିଲେ ।   ଉକ୍ତ ରିପୋର୍ଟ କାର୍ଡରେ ବିକାଶ କାର୍ୟ୍ୟକ୍ରମ ଓ ଜନଅଭିଯୋଗ ଶୁଣାଣି ପ୍ରସଙ୍ଗ ଉଲ୍ଲେଖ ରହିଛି ।  ଏଥିସହ ଭୁବନେଶ୍ୱରର ବିଭିନ୍ନ ନିର୍ମାଣ କାର୍ୟ୍ୟ ସମ୍ପର୍କରେ ବି ସାଂସଦ ଶ୍ରୀମତୀ ଷଡ଼ଙ୍ଗୀ ଜଣାଇଥିଲେ । ସେ ଦେଇଥିବା ରିପୋର୍ଟ କାର୍ଡ ମୁତାବକ ଏନଏଚଏଆଇର ୧୧୪ କୋଟି ପ୍ରକଳ୍ପକୁ ଅନୁମୋଦନ ମିଳିଛି ।  ତନ୍ମଧ୍ୟରେ  ହଂସପାଳ ଫ୍ଲାଏଓଭର ଓ ୩ଟି ଭେଇକେଲ ଅଣ୍ଡର ପାସ ରହିଛି ।  ଭୁବନେଶ୍ୱର ବିଭିନ୍ନ ଡ୍ରେନ, କଲଭର୍ଟ ଓ କେନାଲର ନିର୍ମାଣ ହୋଇଛି ।  ଏଥିପାଇଁ ୫୨ ଲକ୍ଷରୁ ଅଧିକ ଟଙ୍କା ଅନୁମୋଦନ ହୋଇଛି ।  ସେହିପରି ପରି ଗତ ବର୍ଷ ୨୧୫୦ଟି ଅଭିଯୋଗର ଶୁଣାଣି କରାଯାଇଥିଲାବେଳେ ୨୧୦୬ଟି ଫୈସଲା କରାଯାଇଛି ।  ପ୍ରଧାନମନ୍ତ୍ରୀ ରିଲିଫ ଫଣ୍ଡ ଦ୍ୱାରା ୨ ଲକ୍ଷ ଟଙ୍କା ଆର୍ଥିକ ସହାୟତା ଦିଆଯାଇଛି ।  ଲୋକସଭାରେ ୭ଟି ବିତର୍କରେ ୩୭ଟି ପ୍ରଶ୍ନ ଉପସ୍ଥାପନ କରାଯାଇଥିବା ଶ୍ରୀମତୀ ଷଡ଼ଙ୍ଗୀ ସୂଚନା ଦେଇଥିଲେ ।

Powered by Froala Editor