ଡେଲ୍ଟା ଭୟ: ଏହି ଦେଶରେ ପୁଣି ଲାଗୁ ହେଲା କଟକଣା
ଡେଲ୍ଟା ଭାରିଏଣ୍ଟ ପାଇଁ ଅଷ୍ଟ୍ରେଲିଆ ଓ ଇସ୍ରାଏଲ ପୁଣି କଟକଣା ଲାଗୁ କରିଛନ୍ତି। ସଂକ୍ରମଣ ହ୍ରାସ ପାଉଥିବାରୁ ଅଷ୍ଟ୍ରେଲିଆର ସବୁଠାରୁ ବଡ଼ ସହର ସିଡ୍ନୀରେ ଲୋକମାନେ ଧୀରେଧୀରେ ସ୍ୱାଭାବିକ ଅବସ୍ଥାକୁ ଫେରୁଥିଲେ। ହେଲେ ଡେଲ୍ଟା ଭାରିଏଣ୍ଟ ଯୋଗୁ ସରକାର କେନ୍ଦ୍ରୀୟ ସିଡ୍ନୀରେ ପୁଣି ଲକଡାଉନ ଲାଗୁ କରିଛନ୍ତି। ଡେଲ୍ଟା ଭାରିଏଣ୍ଟ ଯୋଗୁ ସଂକ୍ରମଣ ବଢ଼ୁଥିବାରୁ ସେଠାକାର ସରକାର ଏପରି ପଦକ୍ଷେପ ନେଇଛନ୍ତି। ଯାହାକୁ ନେଇ ଲୋକମାନେ ପୁଣି ଚିନ୍ତାରେ ପଡ଼ିଛନ୍ତି।
ଡେଲ୍ଟା ଭାରିଏଣ୍ଟ ଯୋଗୁ ସିଡ୍ନୀ ଓ ଏହାର ଆଖପାଖ ଲୋକଙ୍କୁ ସରକାର ଗୋଟିଏ ସପ୍ତାହ ପାଇଁ ଘରେ ରହିବାକୁ ନିର୍ଦ୍ଦେଶ ଦେଇଛନ୍ତି। ଇସ୍ରାଏଲରେ ଲଗାତର ୪ ଦିନ ହେଲା ୧୦୦ ଉପରେ ସଂକ୍ରମିତ ଚିହ୍ନଟ ହେବାରେ ଲାଗିଛନ୍ତି। ଗୁରୁବାର ଏଠାରେ ୨୨୭ ଜଣଙ୍କ ଟେଷ୍ଟ ରିପୋର୍ଟ ପଜିଟିଭ ଆସିଥିଲା। ଏହି କାରଣରୁ ଦେଶରେ ପୁଣି ମାସ୍କ ପିନ୍ଧିବା ବାଧ୍ୟତାମୂଳକ କରାଯାଇଛି। ଫିଜିରେ ଡେଲ୍ଟା ଭାରିଏଣ୍ଟ ଯୋଗୁ ଦୈନିକ ସଂକ୍ରମଣ ୩୦୦ ପାର କରି ଯାଇଛି। ଏହି କାରଣରୁ ସ୍ୱାସ୍ଥ୍ୟ ବିଶେଷଜ୍ଞମାନେ କଟକଣା ଲଗାଇବାକୁ ନିଷ୍ପତ୍ତି ନେଇଛନ୍ତି। ଟିକାକରଣ ଜୋରଦାର କରାଯାଉଥିବା ଏକାଧିକ ବିତ୍ତଶୀଳ ରାଷ୍ଟ୍ରରେ ସ୍ଥିତି ଧୀରେଧୀରେ ନିୟନ୍ତ୍ରଣକୁ ଆସୁଥିଲା। ହେଲେ ଏବେ ଡେଲ୍ଟା ଭାରିଏଣ୍ଟ ସମସ୍ତଙ୍କ ଚିନ୍ତା ବଢ଼ାଇ ଦେଇଛି।
Powered by Froala Editor
