ଅଭିନେତ୍ରୀ ଅବନୀତ କୌରଙ୍କ ନାଁ ଠକେଇ ଅଭିଯୋଗ ଆଣିଛି ଏକ ଅଳଙ୍କାର ବ୍ରାଣ୍ଡ୍। ଏହି ଜୁଏଲାରୀ ବ୍ରାଣ୍ଡ ସୋସିଆଲ ମିଡିଆରେ ଅଭିନେତ୍ରୀଙ୍କ ସମ୍ବନ୍ଧରେ ପ୍ରମାଣ ସହିତ କିଛି ପୋଷ୍ଟ ସେୟାର କରିଛନ୍ତି ଏବଂ ଅଭିନେତ୍ରୀଙ୍କ ଉପରେ ଠକେଇ ଅଭିଯୋଗ କରିଛନ୍ତି । ଅଭିଯୋଗ ହୋଇଛି ଯେ, ଅନେକ ପ୍ରତିଶ୍ରୁତି ସତ୍ବେ ଅଭିନେତ୍ରୀ ବ୍ରାଣ୍ଡର ଅଳଙ୍କାର ବ୍ୟବହାର କରି ମଧ୍ୟ କ୍ରେଡିଟ୍ ଦେଇନାହାନ୍ତି। ବିବାଦ ସେତେବେଳେ ସାମ୍ନାକୁ ଆସିଲା, ଯେତେବେଳେ ବ୍ରାଣ୍ଡର ଅଫିସିଆଲ ଇନଷ୍ଟାଗ୍ରାମ ଆକାଉଣ୍ଟରେ ଅଭିନେତ୍ରୀଙ୍କ ସହ କଥାବାର୍ତ୍ତାର କିଛି ସ୍କ୍ରିନସଟ ଶେୟାର କରାଯାଇଥିଲା।

ବ୍ରାଣ୍ଡ ପକ୍ଷରୁ ଅଭିନେତ୍ରୀଙ୍କ ସହ ଯୋଗାଯୋଗ କରାଯିବାରୁ ଅବନୀତ ସେମାନଙ୍କୁ ଆଶ୍ଵାସନା ଦେଇଥିଲେ ଯେ ସେ ନିଶ୍ଚିତ ଭାବରେ ସେମାନଙ୍କ ଅଳଙ୍କାର ବିଷୟରେ ପୋଷ୍ଟ କରିବେ। ଏହି ଆଶ୍ୱାସନା ସତ୍ବେ ବ୍ରାଣ୍ଡ ଦାବି କରିଛି ଯେ, ସେମାନେ ଅଭିନେତ୍ରୀଙ୍କ ପୋଷ୍ଟରେ ଏପରି କୌଣସି ଶ୍ରେୟ ଦେଖି ନାହାନ୍ତି।

ଏହି ପୋଷ୍ଟରେ ବ୍ରାଣ୍ଡ ତରଫରୁ ଏକ ଚାଟ୍‌ ସ୍କ୍ରିନସଟ ସେୟାର କରାଯାଇଛି, ଯେଉଁଥିରେ 'ଅଭିନେତ୍ରୀ ଅବନୀତ୍ କୌର ୟୁରୋପ ଗସ୍ତ ପାଇଁ ଆମ ବ୍ରାଣ୍ଡ RANG ରୁ ଅଳଙ୍କାର କିଣିଛନ୍ତି । ତାଙ୍କ ଷ୍ଟାଇଲିଷ୍ଟଙ୍କ ସହ ଆମର କଥାବର୍ତ୍ତା ହୋଇଥିଲା । ଆମର ଜୁଏଲାରୀ ପିନ୍ଧିବା ପରେ ମଧ୍ୟ ଅବନୀତ୍‌ ତାଙ୍କ ସୋସିଆଲ୍ ମିଡିଆ ପୋଷ୍ଟରେ RANG ଟ୍ୟାଗ୍ କରିବାକୁ ରାଜି ହୋଇଥିଲେ । ତେବେ ଜୁନ୍ ୨୯,୨୦୨୪ ରେ, ଆମେ ତାଙ୍କୁ ୯ ଟି ଜୁଏଲାରୀ ଅଭିନେତ୍ରୀଙ୍କୁ ଡବଲ୍ ଫ୍ଲୋରାଲ୍ କାନଫୁଲ, ମୋଡ଼ାଯାଇଥିବା ଲୁପ୍ ହ୍ୟାଣ୍ଡକଫ୍ ବ୍ରେସଲେଟ୍ ଏବଂ କାନଫୁଲ ଦେଇଥିଲୁ । ଏହି ବିଶ୍ୱାସରେ କି ସେ ତାଙ୍କ ଦେଇଥିବା କଥା ପୂରା କରିବେ ।

କିନ୍ତୁ ସେ କେବଳ ତାଙ୍କ ପୋଷ୍ଟରେ ଲଗଜୁରୀ ବ୍ରାଣ୍ଡ ବିଷୟରେ ଉଲ୍ଲେଖ କରିଥିଲେ । ଏହା ପରେ ମଧ୍ୟ ଅବନୀତ ପୁଣି ପୋଷ୍ଟ ସେୟାର କରିଥିଲେ, କିନ୍ତୁ କ୍ରେଡିଟ୍‌ ଦେଇନଥିଲେ ।

Powered by Froala Editor