ଦ୍ୱିତୀୟ ବିବାହ କରି ଭୋଜିରେ ମସଗୁଲ୍ ଥିଲା ଯୁବକ, ଉଠାଇନେଲା ପୁଲିସ
ଗଞ୍ଜାମ ଜିଲ୍ଲା ଖଜୁରୀପଡାରେ ଜଣେ ଯୁବକକୁ ଦ୍ୱିତୀୟ ବିବାହ କରିବା ମହଙ୍ଗା ପଡିଛି । ପ୍ରଥମ ସ୍ତ୍ରୀର ଅଭିଯୋଗକ୍ରମେ ସୌରଭ ପ୍ରଧାନକୁ ମଣ୍ଡପରୁ ଉଠାଇ ନେଇଛି ପୁଲିସ ।
ସୂଚନା ଅନୁସାରେ, ସୌରଭଙ୍କ ସହିତ ଫିରିଙ୍ଗିଆ ଥାନା ଅଞ୍ଚଳର ଜଣେ ଯୁବତୀ ପ୍ରେମ ହୋଇଥିଲା । ୨୦୧୧ରେ ଉଭୟ କଟକର ଏକ ମନ୍ଦିରରେ ବିବାହ କରିଥିଲେ । ହେଲେ ଝିଅ ଭିନ୍ନ ସମ୍ପ୍ରଦାୟର ହୋଇଥିବାରୁ ସୌରଭଙ୍କ ପରିବାର ଏହି ବିବାହକୁ ସ୍ୱୀକୃତି ଦେଇ ନଥିଲେ ।
ଏହାପରେ ସୌରଭ ମଧ୍ୟ ଯୁବତୀଙ୍କ ଠାରୁ ଖାପଛଡା ଦେଉଥିଲେ । ଏମିତିକି ଭିତରେ ଭିତରେ ପରିବାର ଲୋକ ଠିକ୍ କରିଥିବା ଯୁବତୀଙ୍କୁ ବିବାହ କରିବାକୁ ସମ୍ମତି ଜଣାଇଥିଲେ । ପରିବାର ଲୋକ ମଧ୍ୟ ଗଞ୍ଜାମ ଜିଲ୍ଲାରେ ନିଜ ସମ୍ପ୍ରଦାୟର ଏକ ଝିଅ ଠିକ୍ କରିଦେଲେ ।
ରୀତି ନୀତି ଅନୁସାରେ ବିବାହ ସରିବା ପରେ ନିଜ ବାସଭବନରେ ରବିବାର ପ୍ରୀତି ଭୋଜନର ଆୟୋଜନ କରିଥିଲେ ସୌରଭ । ଭୋଜି ଚାଲିଥିବା ସମୟରେ ସୌରଭଙ୍କୁ ଉଠାଇ ନେଇଛି ଖଜୁରିପଡ଼ା ପୁଲିସ । ପ୍ରଥମ ସ୍ତ୍ରୀ ସୌରଭଙ୍କ ଚାଲାକି ଜାଣିପାରି ଥାନାରେ ଏତଲା ଦେଇଥିଲେ । ଏତଲାକୁ ଭିତ୍ତି କରି ଥାନାରେ ମାମଲା ରୁଜୁ କରାଯାଇଥିଲା । ଏବେ ସୌରଭ ଗିରଫ ହୋଇଥିବାବେଳେ ଯୁବତୀ ଜଣକ ଅଧିକାର ପାଇଁ କୋର୍ଟକୁ ଯିବେ ବୋଲି କହିଛନ୍ତି ।
Powered by Froala Editor
