ଖରାଦିନେ ତରଭୁଜର ଉପକାରିତା ଜାଣନ୍ତୁ
ଗ୍ରୀଷ୍ମ ପ୍ରବାହରେ ଅସ୍ତବ୍ୟସ୍ତ ଜନଜୀବନ । ହୁ ହୁ ହୋଇ ବଢୁଛି ତାପମାତ୍ରା । ଏହା ଶରୀର ଉପରେ ଅନେକ ପ୍ରଭାବ ପକାଇଥାଏ । ତେଣୁ ଖରାଦିନେ ଖାଇବା ପିଇବା ଉପରେ ବିଶେଷ ଧ୍ୟାନ ଦେବାକୁ ପଡେ ।
ଖରାଦିନେ ତରଭୁଜର ବିଶେଷ ଚାହିଦା ରହିଥାଏ । କାରଣ ତରଭୁଜ ଖାଇଲେ ଶରୀରକୁ ପ୍ରଚୁର ପରିମାଣରେ ଭିଟାମିନ୍ ସି ମିଳିବା ସହିତ କର୍କଟ ରୋଗ ପ୍ରତିରୋଧକ ଭାବେ ଏହା କାର୍ଯ୍ୟ କରିଥାଏ । ଖାଲି ସେତିକିନୁହେଁ ଶରୀରର ଜଳୀୟଅଂଶ ବୃଦ୍ଧି କରିବାରେ ମଧ୍ୟ ଏହା ସାହାଯ୍ୟ କରିଥାଏ ।
ଏହା ସହିତ ଭୋକ ସମସ୍ୟା, ଓଜନ ନିୟନ୍ତ୍ରଣ, କେଶକୁ ପୋଷଣ, ତ୍ୱଚାକୁ ଚମକାଇବାରେ ମଧ୍ୟ ସାହାଯ୍ୟ କରେ । ତରଭୁଜ ରସ ପିଇବା ଦ୍ୱାରା ଶରୀର ଫୂର୍ତ୍ତି ମଧ୍ୟ ରହିଥାଏ । ବିଶ୍ୱରେ ପ୍ରାୟ ୫୦ ପ୍ରକାରରୁ ଅଧିକ ପ୍ରକାରର ତରଭୁଜ ମିଳେ । ଭାରତ, ଜାପାନ ଓ ଆମେରିକାର ନୁ୍ର୍ୟୟର୍କ ସହରରେ ସବୁଠୁ ଅଧିକ ତରଭୁଜ ବିକ୍ରି ହେଉଥିବା ଜଣାପଡିଛି । ଜାପାନରେ ୧୨ ମାସୀ ତରଭୁଜ ବିଭନ୍ନ ଡିଜାଇନର ମିଳିଥାଏ । ତରଭୁଜକୁ ଜାପାନୀ ଲୋକଙ୍କର ସୁସ୍ଥତାର ରହସ୍ୟ ବୋଲି ମଧ୍ୟ କୁହାଯାଇଥାଏ ।
