ଡୁ୍ୟଟି ବଣ୍ଟାକୁ କେନ୍ଦ୍ର କରି ଛୁରାମାଡ଼
ଚନ୍ଦ୍ରଶେଖରପୁର: ନାଲକୋ ଛକ ନିକଟ ସପ୍ତମ ବାଟାଲିୟନ ଭିତରେ ଡୁ୍ୟଟି ବଣ୍ଟାକୁ କେନ୍ଦ୍ର କରି ବିଳମ୍ବିତ ରାତିରେ ଦୁଇ ଯବାନଙ୍କ ମଧ୍ୟରେ ଗଣ୍ଡଗୋଳ ହୋଇଛି । ଜଣେ ଯବାନଙ୍କ ଛୁରାମାଡରେ ତାଙ୍କ ସହକର୍ମୀ ଆହତ ହୋଇଛନ୍ତି । ନିକଟସ୍ଥ ହସ୍ପିଟାଲରେ ତାଙ୍କର ଚିକିତ୍ସା କରାଯାଇଛି । ଏ ନେଇ ଆହତ ଯବାନ ବସିର ଖାଁ ଚନ୍ଦ୍ରଶେଖରପୁର ଥାନାରେ ଅଭିଯୋଗ କରିବା ପରେ ପୁଲିସ ଅଭିଯୁକ୍ତ ଯବାନ ପରମା ନାୟକଙ୍କୁ ଗିରଫ କରି ଥାନାକୁ ଆଣିଥିଲା । ତେବେ ଲିଖିତ ଚୁକ୍ତିନାମାରେ ଦସ୍ତଖତ କରାଇ ଅଭିଯୁକ୍ତଙ୍କୁ ଛାଡ଼ି ଦିଆଯାଇଛି । ପରମା ଓ ବସିର ଡୁ୍ୟଟି ବଣ୍ଟାଯାଉଥିବା ବେଳେ ଗୋଟିଏ ନିର୍ଦ୍ଧିଷ୍ଟ ସ୍ଥାନରେ ଡୁ୍ୟଟି କରିବା ପାଇଁ ଇଚ୍ଛା ପ୍ରକାଶ କରିଥିଲେ । ଯାହାକୁ ନେଇ ସେମାନଙ୍କ ମଧ୍ୟରେ ବଚସା ହୋଇଥିଲା । ଅନ୍ୟମାନେ ସେମାନଙ୍କୁ ଅଟକାଇବା ପାଇଁ ଚେଷ୍ଟା କରିବା ବେଳେ ପରମା ରାଗିଯାଇ ନିକଟରେ ପଡ଼ିଥିବା ଏକ ଛୁରିରେ ବସିର ପେଟକୁ ଭୁସି ଦେଇଥିଲେ । ଫଳରେ ବସିର ସାମାନ୍ୟ ଆହତ ହୋଇଥିଲେ । ତାଙ୍କୁ ଚିକିତ୍ସା କରାଯିବା ସହ ଘରକୁ ପଠାଇ ଦିଆଯାଇଛି । ତେବେ ଉଭୟ ବାଟାଲିୟନ କର୍ତ୍ତୃପକ୍ଷ ଓ ପୁଲିସ ଘଟଣାକୁ ଗୁରୁତ୍ୱର ସହ ନେଇଛନ୍ତି ।
Powered by Froala Editor
