ଉପାନ୍ତ ଅଞ୍ଚଳରେ ଟିକା ପହଞ୍ଚାଇବ ଡ୍ରୋନ
କଟକ : ଓଡ଼ିଶାର ଉପାନ୍ତ ଅଞ୍ଚଳରେ ଟିକା ପହଞ୍ଚାଇବା ପାଇଁ ଡ୍ରୋନର ସାହାଯ୍ୟ ନିଆଯିବ । କଟକ ଖପୁରିଆସ୍ଥିତ ସରକାରୀ ଆଇଟିଆଇ ଓ ଆଇ ଡ୍ରୋନର ସହଯୋଗରେ ଏହାକୁ ନିର୍ମାଣ କରାଯାଇଛି । ଏହାର ନାମ ‘ଆଇଜି ଡ୍ରୋନ ଡେଲଟା ୪୦୦’ ରହିଛି । ଏହିର ଡ୍ରୋନ ୫୦ କିଲୋମିଟର ଯାତ୍ରା କରିବା ସହିତ ଏକା ସାଙ୍ଗରେ ୪ କେଜି ଓଜନର ଜିନିଷ ନେବାର କ୍ଷମତା ରଖିଛି । ଏହା ଲଗାତାର ଭାବେ ୩ଘଣ୍ଟା ଉପରେ ଉଡ଼ିପାରିବ । ଅତ୍ୟାଧୁନିକ ଟେକ୍ନୋଲୋଜି ଏବଂ ଜ୍ଞାନକୌଶଳକୁ ବ୍ୟବହାର କରି ଛାତ୍ରଛାତ୍ରୀ ଏହାକୁ ପ୍ରସ୍ତୁତ କରିଛନ୍ତି । ଅନୁଷ୍ଠାନ ପକ୍ଷରୁ ଦୁଇଟି ଡ୍ରୋନ ପ୍ରସ୍ତୁତ ହୋଇଛି । ଡ୍ରୋନରେ ଟିକା ରଖିବା ପାଇଁ ଏକ ବକ୍ସର ବ୍ୟବସ୍ଥା କରାଯାଇଛି । ଏହା ରିମୋଟ ଦ୍ୱାରା ପରିଚାଳିତ ହେବ ନାହିଁ । ମାତ୍ର ଏଥିରେ ପ୍ରୋଗ୍ରାମିଂ ଫିକ୍ସ କରାଯାଇଛି, ଯାହା ଏହାକୁ ନିୟନ୍ତ୍ରଣ କରିବ । ଟିକା ବିତରଣ ପାଇଁ ଡିଜିସିଏର ଅନୁମତି ମିଳିଥିବା ବେଳେ ଖୁବଶୀଘ୍ର ଏହା ଓଡ଼ିଶାବାସୀଙ୍କ ସେବାରେ ଲାଗିବ ବୋଲି ନିର୍ମାତା କହିଛନ୍ତି । ପୂର୍ବରୁ ଓଏମସିର ସୀମା ନିର୍ଦ୍ଧାରଣ ପାଇଁ ଏହାର ବ୍ୟବହାର ହୋଇଥିଲା । ଉକ୍ତ ଡ୍ରୋନରେ ସ୍ୱତନ୍ତ୍ର ଫିଚର୍ସ ସହ ଏହାକୁ ସାମଗ୍ରୀ ବହନ କରିବା ପାଇଁ ପ୍ରସ୍ତୁତ ହୋଇଛି ।
Powered by Froala Editor
