ବାଇକ୍ରେ ରୋମାନ୍ସ କରି ଫସିଲେ, କାନ ଧରି ଭୁଲ୍ ମାଗିଲେ
ବାଇକ୍ ଉପରେ ପ୍ରେମୀ ଯୁଗଳ ଅଶ୍ଳୀଳ କାର୍ଯ୍ୟ କରୁଥିବାର ଭିଡିଓ ଭାଇରାଲ୍ ହେବା ପରେ ଦୁହିଁଙ୍କୁ ପୁଲିସ୍ ଗିରଫ କରିଛି। ରାଜସ୍ଥାନର କୋଟାରେ ଘଟିଛି ଏହି ଘଟଣା। ପୁଲିସ୍ ଉଭୟ ଯୁବକ ଓ ଯୁବତୀଙ୍କୁ ଗିରଫ କରିବା ସହ ବାଇକ୍କୁ ବି ଜବତ କରିଛି।
ଗିରଫ ଯୁବକଙ୍କ ନାଁ ମହମ୍ମଦ ୱାସିମ (୨୫)। ତାଙ୍କ ଘର କୋଟା ଜିଲ୍ଲାର କୈଥୁନ ସହରରେ। ସେ ଓ ଉକ୍ତ ଯୁବତୀ ଜଣଙ୍କ କୋଟା ସ୍ଥିତ ଏକ ଘରୋଇ କମ୍ପାନୀରେ କାମ କରନ୍ତି। ଉଭୟଙ୍କ ବିରୋଧରେ ଆଇପିସିର ଧାରା ୨୯୪ (ସର୍ବସାଧାରଣରେ ଅଶ୍ଲୀଳ ହରକତ) ଅନୁଯାୟୀ ମାମଲା ରୁଜୁ ହୋଇଛି।
ରାତିରେ କୋଟା-ବୁନ୍ଦି ଜାତୀୟ ରାଜପଥରେ ବାଇକ୍ରେ ଦ୍ରୁତ ଗତିରେ ଯାଉଥିବା ବେଳେ ମହମ୍ମଦ ୱାସିମ ଓ ଉକ୍ତ ଯୁବତୀ ରୋମାନ୍ସ କରୁଥିବା ଦେଖିବାକୁ ମିଳିଥିଲା। ପୁଲିସ୍ ବାଇକ୍ର ନମ୍ବର ଆଧାରରେ ମହମ୍ମଦ ୱାସିମ ଓ ଉକ୍ତ ଯୁବତୀଙ୍କୁ ଖୋଜି ପାଇଥିଲେ। ସେମାନଙ୍କୁ ଗିରଫ କରିବା ପରେ ପୁଲିସ୍ ସେମାନଙ୍କର ଏକ ଭିଡିଓ ଶୁଟ୍ କରିଥିଲା, ଯେଉଁଥିରେ ସେମାନେ ଏଭଳି କାର୍ଯ୍ୟ ପାଇଁ କାନ ଧରି କ୍ଷମା ମାଗିଥିଲେ। ସର୍ବସାଧାରଣରେ ଏପରି କାର୍ଯ୍ୟରୁ ବିରତ ରହିବାକୁ ମହମ୍ମଦ ୱାସିମ ଲୋକଙ୍କୁ ଅନୁରୋଧ କରିଥିଲେ।
Powered by Froala Editor
