ଦୁଇ ପ୍ରେମିକାଙ୍କୁ ବାହାହେଲେ ଏହି ଯୁବକ
ହାଇଦ୍ରାବାଦ : ତେଲେଙ୍ଗାନାର ଘନପୁର ଗ୍ରାମର ଜଣେ ଆଦିବାସୀ ଯୁବକ ଏକସଂଗରେ ଦୁଇ ଜଣ ଝିଅଙ୍କୁ ବାହା ହୋଇଛନ୍ତି । ଦୁଇଜଣ ଯାକ ଝିଅ ଯୁବକଙ୍କର ଜଣେ ସଂପର୍କୀୟଙ୍କର । ଏହି ଘଟଣା ଚର୍ଚ୍ଚାର ବିଷୟ ପାଲଟିଛି । ଗତ ୧୪ ତାରିଖରେ ଏହି ବାହାଘର ଗୋଟିଏ ମଣ୍ଡପରେ ଉଭୟ ପରିବାର ସଦସ୍ୟଙ୍କ ଉପସ୍ଥିତିରେ ହୋଇଥିଲା । ଅର୍ଜୁନ ନାମକ ଆଦିବାସୀ ଯୁବକଜଣକ ବିଏଡ ଡିଗ୍ରି ହାସଲ କରିବା ପରେ ପ୍ରତିଯୋଗିତାମୂଳକ ପରୀକ୍ଷା ଦେଉଛନ୍ତି । ସେ ଉଷାରାଣୀ ଓ ସୁରେଖା ନାମ୍ନୀ ଦୁଇ ଝିଅଙ୍କ ପ୍ରେମରେ ଗତ ୪ ବର୍ଷ ତଳେ ପଡ଼ିଯାଇଥିଲେ । ସବୁ ଠିକ୍ ଚାଲିଥିଲା । କିନ୍ତୁ ଅର୍ଜୁନଙ୍କ ପରିବାର ଯେତେବେଳେ ତାଙ୍କ ବିବାହ କଥା ଉଠାଇଲେ ସେତେବେଳେ ସମସ୍ୟା ଦେଖାଦେଲା । ଶେଷରେ ଅର୍ଜୁନ ଉଭୟ ଉଷାରାଣୀ ଓ ସୁରେଖାଙ୍କ ପରିବାର ସମେତ ତାଙ୍କ ପରିବାରକୁ ବୁଝାଇଥିଲେ । ସେଥିରେ ସେ ସଫଳ ହୋଇ ଉଭୟ ପ୍ରେମିକାଙ୍କୁ ବାହା ହୋଇଥିଲେ ।
Powered by Froala Editor
