ଶ୍ରୀରାମ ନାରାରୁ ଝଗଡ଼ା : ୩ ଯୁବକଙ୍କୁ ନିର୍ଦ୍ଧୁମ ପିଟିଲେ ୪ ଯୁବକ
ବେଙ୍ଗାଲୁରୁ ସହରରେ ରାମ ନବମୀ ଦିନ ମାରପିଟ ଘଟଣା ଘଟିଛି । ଜୟ ଶ୍ରୀରାମ ନାରା ଦେବାରୁ ୪ ଜଣ ଯୁବକ ୩ ଯୁବକଙ୍କୁ ପିଟି ଲହୁଲୁହାଣ କରିଦେଇଛନ୍ତି । ଆକ୍ରମଣର ଶିକାର ହୋଇଥିବା ୩ ଜଣ ହେଲେ ପବନ କୁମାର, ରାହୁଲ ଓ ବିନାୟକ ।
ସେମାନେ ଜୟ ଶ୍ରୀରାମ ନାରା ଦେଇ ବାଙ୍ଗାଲୁରର ଚିକ୍କାୱେଟାହଲ୍ଲି ଅଞ୍ଚଳରେ ଏକ କାର୍ରେ ଯାଉଥିଲେ। ଏହାଦେଖି ବାଇକ୍ରେ ଯାଉଥିବା ଦୁଇ ଜଣ ଯୁବକ ଫରମାନ ଓ ସମୀର ତାଙ୍କୁ ଅଟକାଇ ନାରା ଦେବାକୁ ବାରଣ କରିଥିଲେ। ଏହାକୁ ନେଇ ଉଭୟ ପକ୍ଷ ମଧ୍ୟରେ ଉଚ୍ଚବାଚ ହୋଇଥିଲା। ଏହାକୁ ନେଇ ରାସ୍ତା ଉପରେ ଆରମ୍ଭ ହେଲା ମହାଭାରତ । ପରିସ୍ଥିତି ଏପରି ହେଲା ଯେ କାର୍ରେ ବସି ଏପରି ନାରା ଦେଉଥିବା ୩ ଜଣଙ୍କୁ ପିଟି ଲହୁଲୁହାଣ କଲେ ୪ ଯୁବକ । ଫରମାନ ଓ ସମୀର ୩ ଯୁବକଙ୍କୁ ପ୍ରବଳ ପିଟିଥିଲେ। ଏହି ଆକ୍ରମଣରେ ଆଉ ଦୁଇ ନାବାଳକ ବି ସାମିଲ ହୋଇଥିଲେ।
ଖବର ପାଇ ପୁଲିସ୍ ପହଞ୍ଚି ଗୁରୁତରଙ୍କୁ ହସ୍ପିଟାଲରେ ଭର୍ତ୍ତି କରିଥିବା ବେଳେ ଅଭିଯୁକ୍ତମାନେ ଫେରାର ହୋଇ ଯାଇଥିଲେ। ପୁଲିସ୍ ଏନେଇ ଏକ ମାମଲା ରୁଜୁ କରି ଫରମାନ ଓ ସମୀରଙ୍କୁ ବାନ୍ଧିଛି।
Powered by Froala Editor
