୧୦୪୯ ସୁପର ସିନିୟର ଭୋଟର, ତାଲିକାରେ ଅଛନ୍ତି ବ୍ରିଟିଶ ଅମଳର ଲୋକ
୧୯୪୭ରେ ଦେଶ ସ୍ୱାଧୀନ ହେବା ପରେ ୧୯୫୨ମସିହାରେ ଦେଶରେ ପ୍ରଥମ ଲୋକସଭା ନିର୍ବାଚନ ଅନୁଷ୍ଠିତ ହୋଇଥିଲା। ଦେଶରେ ଅନେକ ଭୋଟର ଅଛନ୍ତି ଯେଉଁମାନେ ପ୍ରଥମ ସାଧାରଣ ନିର୍ବାଚନରେ ଭୋଟ୍ ଦେଇଥିଲେ। ବର୍ତ୍ତମାନ ୨୦୨୪ ମସିହାରେ ମଧ୍ୟ ସେମାନେ ଭୋଟ୍ ଦେବାକୁ ସମ୍ପୂର୍ଣ୍ଣ ପ୍ରସ୍ତୁତ ଅଛନ୍ତି। ଭୋଟର ତାଲିକା ପ୍ରକାଶ ପାଇଥିବାବେଳେ ବହୁ ବୟସ୍କ ଭୋଟର ରହିଥିବା ଜଣାପଡ଼ିଛି ।
ପ୍ରୟାଗରାଜର ମୋଟ ଭୋଟରଙ୍କ ସଂଖ୍ୟା ରହିଛି ୪୬ ଲକ୍ଷ । ଏଥିରେ ୧୦୪୯ ଜଣ ସୁପର ସିନିୟର ଭୋଟର ରହିଛନ୍ତି । ଏଥିରୁ ଅନେକ ଜଣ ବ୍ରିଟିଶ୍ ଅମଳର ଭୋଟର ମଧ୍ୟ ରହିଛନ୍ତି । ୧୦୦ରୁ ୧୨୦ ବର୍ଷ ବୟସର ଭୋଟର ମଧ୍ୟ ରହିଛନ୍ତି । ୪୧୪ ବୟସ୍କ ଭୋଟର ରହିଥିବାବେଳେ ୪୪୦ ଜଣ ବୟସ୍କା ଭୋଟର ରହିଛନ୍ତି । ଏମାନଙ୍କ ବୟସ ୧୦୦ରୁ ୧୦୯ ବର୍ଷ ରହିଛି । ତେବେ ୧୦ ଜଣ ଏଭଳି ଭୋଟର ରହିଛନ୍ତି ଯେଉଁମାନଙ୍କ ବୟସ ୧୧୦ରୁ ୧୧୯ ବର୍ଷ ରହିଛି । ଦେଶ ସ୍ୱାଧୀନ ହେବା ଠାରୁ ଆଜି ଯାଏଁ ନିର୍ବାଚନରେ ଏମାନେ ନିଜ ନିଜ ମତାଧିକାର ସାବ୍ୟସ୍ତ କରିବାକୁ ଭୁଲୁ ନାହାନ୍ତି।
Powered by Froala Editor
