ସ୍କୁଲରୁ ଲୁଟିନେଲେ ଲୁଟେରା
ମୟୁରଭଞ୍ଜ: ସ୍କୁଲରେ କଳା କନା ବୁଲାଇଲେ ଲୁଟେରା। ଦୁଇ ଦୁଇ ଥର ଲୁଟ୍ରେ ଲକ୍ଷାଧିକ ଟଙ୍କାର ସମାଗ୍ରୀ ଚୋରି ହୋଇଛି। ଏହି ଚୋରି ଘଟଣାରେ ସ୍କୁଲର କିଛି ଛାତ୍ରଙ୍କ ସମ୍ପୃକ୍ତି ଥିବା ଅଭିଯୋଗ ହୋଇଛି। ଏଭଳି କିଛି ଘଟଣା ଘଟିଛି ବାରିପଦା ଉପକଣ୍ଠ ଶିରିସବଣି ଅଞ୍ଚଳରେ। ଏକ ଘରୋଇ ଇଂରାଜୀ ସ୍କୁଲର କାର୍ଯ୍ୟାଳୟରୁ ଦୁଇ ଦୁଇ ଥର ଚୋରି ହୋଇଥିବା ନେଇ ବାରିପଦା ସଦର ଥାନାରେ ଅଭିଯୋଗ ହୋଇଥିଲା। ଚୋରମାନେ ସ୍କୁଲ କାର୍ଯ୍ୟାଳୟରୁ ଲକ୍ଷାଧିକ ଟଙ୍କା ସହ ଏଲଇଡି ଟିଭି , ଲାପଟପ୍, କମ୍ପୁଟର ଏବଂ ବହୁ ଗୁରୁତ୍ଵପୂର୍ଣ୍ଣ ସାମଗ୍ରୀ ଲୁଟି ନେଇଥିବା ଅଭିଯୋଗ ହୋଇଥିଲା। ଘଟଣା ପରେ ପୁଲିସ୍ ତଦନ୍ତ କରି ଦୁଇ ଯୁବକଙ୍କୁ ଗିରଫ କରିଛି। ସେମାନଙ୍କ ଠାରୁ ଚୋରି ସାମଗ୍ରୀ ସହ ନଗଦ ଟଙ୍କା , ଏବଂ ମୂଲବାନ୍ ବାଇକ୍ ଜବତ ହୋଇଛି। ଗିରଫ ଯୁବକଙ୍କୁ ପଚରାଉଚରା କରିବା ବେଳେ ଚୋରି ପଛରେ ସେହି ସ୍କୁଲର ୫ ଜଣ ଛାତ୍ରଙ୍କର ହାତ ଥିବା ଜଣାପଡିଛି। ବାଇକ୍ ଏବଂ ଦାମୀ ମୋବାଇଲ କିଣିବାକୁ ଛାତ୍ରମାନେ ଯୁବକ ମାନଙ୍କୁ ହାତ କରି ସ୍କୁଲରୁ ଚୋରି କରାଇଥିବା ଜଣାପଡିଛି।
Powered by Froala Editor
