ଆଜି ଦେଶରେ ୬୨ହଜାର ୨୨୪ ନୂଆ ଆକ୍ରାନ୍ତ ଚିହ୍ନଟ : Odisha News Lens 4.1

ନୂଆଦିଲ୍ଲୀ: ଦେଶରେ ଦୈନିକ ସଂକ୍ରମଣ ହାର କମୁଛି। ଦୈନିକ ସଂକ୍ରମିତଙ୍କ ସଂଖ୍ୟା ହ୍ରାସ ପାଉଥିବା ବେଳେ ଖସୁଛି ଆକ୍ଟିଭ୍ କେସ୍ । ୨୪ ଘଣ୍ଟାରେ ଦେଶରୁ ଚିହ୍ନଟ ହୋଇଛନ୍ତି ୬୨ହଜାର ୨୨୪ ନୂଆ ଆକ୍ରାନ୍ତ । ଯାହାକୁ ନେଇ ଦେଶବାସୀ ଆଶ୍ୱସ୍ତ ପ୍ରକାଶ କରିଛନ୍ତି।

ଗତକାଲି ଅପେକ୍ଷା ଆଜି ଦୈନିକ ମୃତ୍ୟୁସଂଖ୍ୟା ହ୍ରାସ ପାଇଛି । ୨୪ ଘଣ୍ଟାରେ ଦେଶରୁ କରୋନା ନେଇଛି ୨ହଜାର ୫୪୨ ଜୀବନ । ଗତକାଲି ଏହି ସଂଖ୍ୟା ଥିଲା ୨ହଜାର ୭୨୬ । ଦେଶରେ କରୋନା ଜନିତ ମୋଟ୍ ମୃତ୍ୟୁସଂଖ୍ୟା ୩ଲକ୍ଷ ୭୯ହଜାର ୫୭୩କୁ ବୃଦ୍ଧି ପାଇଛି ।

କିନ୍ତୁ ଗତକାଲି ଅପେକ୍ଷା ସଂକ୍ରମିତଙ୍କ ସଂଖ୍ୟା ସାମାନ୍ୟ ବୃଦ୍ଧି ପାଇଛି । ଗତକାଲି ଚିହ୍ନଟ ହୋଇଥିଲେ ୬୦ହଜାର ୪୭୧ ପଜିଟିଭ୍ । ଯାହାକି ଗତ ୭୭ ଦିନରେ ସର୍ବନିମ୍ନ ଥିଲା ।