ରାଜ୍ୟବ୍ୟାପୀ ଲକଡାଉନ୍ ୧୭ତାରିଖ ପର୍ଯ୍ୟନ୍ତ ରହିଥିବାବେଳେ ସରକାର ବର୍ତ୍ତମାନ ସ୍ଥିତିର ବାରମ୍ବାର ସମୀକ୍ଷା କରୁଛନ୍ତି ଏବଂ ପରିସ୍ଥିତିକୁ ଆକଳନ କରି ନିଷ୍ପତ୍ତି ନିଆଯିବ ବୋଲି ରାଜ୍ୟ ଡିଏମଇଟି ସିବିକେ ମହାନ୍ତି କହିଛନ୍ତି। 

ରାଜ୍ୟରେ ଅନଲକ୍ ପ୍ରକ୍ରିୟା ଆରମ୍ଭ ହେବା ନେଇ ଗଣମାଧ୍ୟମକୁ ପ୍ରତିକ୍ରିୟା ଦେଇ ଡାକ୍ତର ମହାନ୍ତି କହିଛନ୍ତି ଯେ, ଅନଲକ୍ ପ୍ରକ୍ରିୟା ଆରମ୍ଭ ହେଲେ ପର୍ଯ୍ୟାୟକ୍ରମେ କରାଯିବା ଦରକାର । ସପ୍ତାହକ ସଟଡାଉନ୍ ଓ ରାତ୍ରୀକାଳୀନ କର୍ଫ୍ୟୁ ଜାରି ରହିବା ଦରକାର । ଗୋଟିଏ ସ୍ଥାନରେ ଅଧିକ ଲୋକ ଗହଳି କରିବା ସହ ରାଜନୈତିକ ସଭା-ସମିତି ଉପରେ କଟକଣା ରହିବା ଦରକାର । ତେଣୁ ଜାତୀୟ ଟ୍ୟାସ୍କ ଫୋର୍ସ ଓ ଡବ୍ଲ୍ୟୁଏଚଓ ଗାଇଡଲାଇନକୁ ଅନୁଶୀଳନ କରାଯାଉଛି। ଏହାସହିତ ବିଭିନ୍ନ ବିଶ୍ୱସ୍ତରୀୟ ସଂସ୍ଥା ଓ ଜାତୀୟ ସ୍ତରୀୟ ସଂସ୍ଥା ବିଶେଷଜ୍ଞମାନଙ୍କର ମତାମତ ନେଇ ଅନଲକ୍ ପ୍ରକ୍ରିୟା ଆରମ୍ଭ କରାଯିବ। ଏ ଦିଗରେ ବାରମ୍ବାର ସମୀକ୍ଷା ଚାଲିଛି ଓ ପରିସ୍ଥିତି ଆକଳନ କରି ନିଷ୍ପତ୍ତି ନିଆଯିବ।  

ରାଜ୍ୟରେ ଏବେ ପଜିଟିଭ ହାର ଦ୍ରୁତଗତିରେ କମିବାରେ ଲାଗିଛି। ଏବେ ପଜେଟିଭ ହାର ୬%କୁ ଖସି ଆସିଛି, ଯାହା ଆଶ୍ୱସ୍ତିର କଥା । ଏକମୋ ଚିକିତ୍ସା ପାଇଁ ୬ଟି ମେସିନ୍ ଆଣିବାକୁ ଟେଣ୍ଡର ସରିଛି । ଆବଶ୍ୟକ ମାନବ ସମ୍ବଳ ପ୍ରସ୍ତୁତ ହୋଇସାରିଛନ୍ତି । ତଥାପି ତୃତୀୟ ଲହର କୌଣସି ନୂଆ ଭାରିଏଣ୍ଟ କିମ୍ବା ଡେଲଟା ଭାରିଏଣ୍ଟର ନୂଆ ମ୍ୟୁଟେସନ ଯୋଗୁଁ ଆସିପାରେ । ସତର୍କ ନ ରହିଲେ ବିପଦ ରହିଛି । ବର୍ତ୍ତମାନ ଡେଲଟା ଭାରିଏଣ୍ଟର ମ୍ୟୁଟେସନ ବଦଳି ଯାଇଛି । ଏହାକୁ AY.1 ବା ଡେଲଟା ପ୍ଲସ୍ କୁହାଯାଉଛି । k 417 M ମ୍ୟୁଟେସନ ହୋଇଛି । କକଟେଲ ଆଣ୍ଟିବଡି ଏହା ବିରୋଧରେ କାମ ନ କରିପାରେ । ତେଣୁ ପରିସ୍ଥିତିକୁ ଦୃଷ୍ଟିରେ ରଖି ସରକାର ଅନଲକ୍ ପ୍ରକ୍ରିୟାକୁ ଯିବେ । 

Powered by Froala Editor