ରାଜ୍ୟ ସରକାର ବୃଦ୍ଧି କଲେ ଗଣଶିକ୍ଷକଙ୍କ ପାରିଶ୍ରମିକ
ଭୁବନେଶ୍ୱର: ରାଜ୍ୟରେ ଗଣଶିକ୍ଷକଙ୍କ ପାଇଁ ବଡ ଘୋଷଣା କରିଛନ୍ତି ମୁଖ୍ୟମନ୍ତ୍ରୀ। ଓଟିଇଟି ପାସ୍ କରିନଥିବା ଗଣଶିକ୍ଷକଙ୍କ ପାରିଶ୍ରମିକ ରାଜ୍ୟ ସରକାର ବୃଦ୍ଧି କରିଛନ୍ତି। ମାସିକ ଦରମା ୭ହଜାରୁ ୧୦ହଜାର ଟଙ୍କାକୁ ବୃଦ୍ଧି ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଘୋଷଣା କରିଛନ୍ତି। ଏଥିରେ ୧ହଜାର ୧୨୧ଜଣ ଗଣଶିକ୍ଷକ ଉପକୃତ ହେବେ। ଏହାସହିତ ଓଟିଇଟି ପାସ୍ କରିଥିବା ଗଣଶିକ୍ଷକଙ୍କୁ ନିୟମିତ କରାଯିବ। ଏକ୍ସ କ୍ୟାଡର ଭାବେ ନିୟମିତ କରିବାକୁ ରାଜ୍ୟ ସରକାର ଘୋଷଣା କରିଛନ୍ତି। ଏହି ନିଷ୍ପତି ଦ୍ୱାରା ୧୪୭୨ ଗଣଶିକ୍ଷକ ଉପକୃତ ହେବେ।
ଓଟିଇଟି ପାସ କରିଥିବା ସହକାରୀ ଶିକ୍ଷକଙ୍କୁ ବାର୍ଷିକ ଏନକ୍ରିମେଣ୍ଟ ପ୍ରଦାନ କରାଯିବ। ଏହାଦ୍ୱାରା ୯ହଜାର ୫୨୦ ସହକାରୀ ଶିକ୍ଷକ ଉପକୃତ ହେବେ। ଏହିସବୁ ନିଷ୍ପତି ଦ୍ୱାରା ରାଜ୍ୟରେ ମୋଟ ୧୨ହଜାର ୧୧୩ଜଣ ଗଣଶିକ୍ଷକ ଉପକୃତ ହେବେ। ସୂଚନା ଅନୁସାରେ ୫ଟି ଅଧ୍ୟକ୍ଷ କାର୍ତ୍ତିକ ପାଣ୍ଡିଆନ ଜିଲାଗସ୍ତ ବେଳେ ବିଭିନ୍ନ ସ୍ଥାନରେ ଏହି ପ୍ରସ୍ତାବ ମିଳିଥିବାରୁ ରାଜ୍ୟ ସରକାର ଏଥିପ୍ରତି ଦୃଷ୍ଟି ଦେଇ ଘୋଷଣା କରିଛନ୍ତି।
Powered by Froala Editor
