ଇରାନ ପୁଣି ଇସ୍ରାଏଲ ଉପରେ ଆକ୍ରମଣ କରିଛି। ଇରାନ ଇସ୍ରାଏଲୀ ସାମରିକ ମୁଖ୍ୟାଳୟ ଉପରେ ଆକ୍ରମଣ କରିଛି। ଏହା ଇସ୍ରାଏଲୀ ସାମରିକ ମୁଖ୍ୟଙ୍କୁ ଟାର୍ଗେଟ କରିଛି। ଖେମିନିଙ୍କ ମୃତ୍ୟୁ ପରେ ଇରାନ ଆକ୍ରମଣକୁ ଜୋରଦାର୍ କରିଛି। କତାରର ଦୋହାରୁ ଦୁବାଇ ପର୍ଯ୍ୟନ୍ତ ୧୧ଟି ସ୍ଥାନରେ ବିସ୍ଫୋରଣ ଘଟିଛି।

ଏହାର ପ୍ରଭାବ ଅନେକ ଉପସାଗରୀୟ ଦେଶ ପର୍ଯ୍ୟନ୍ତ ପହଞ୍ଚିଛି । ନିରନ୍ତର କ୍ଷେପଣାସ୍ତ୍ର ଏବଂ ବୋମା ବିସ୍ଫୋରଣ ଯୋଗୁଁ, ଇରାନ, ଇସ୍ରାଏଲ ଏବଂ ପଡ଼ୋଶୀ ଦେଶଗୁଡ଼ିକରେ ବିମାନ ଚଳାଚଳ ସମ୍ପୂର୍ଣ୍ଣ ଭାବରେ ବନ୍ଦ ହୋଇଯାଇଛି । ଯାହା ଫଳରେ ଅନେକ ଲୋକ ବିଭିନ୍ନ ବିମାନବନ୍ଦରରେ ଫସି ରହିଛନ୍ତି । ୟୁଏଇରେ, ଦୁବାଇ ଅନ୍ତର୍ଜାତୀୟ ବିମାନବନ୍ଦର ସବୁଠାରୁ ଅଧିକ ପ୍ରଭାବିତ ହୋଇଛି। ସେମାନଙ୍କ ମଧ୍ୟରେ ଭାରତର କିମ୍ବଦନ୍ତୀ ବ୍ୟାଡମିଣ୍ଟନ ଖେଳାଳି ପିଭି ସିନ୍ଧୁ ଅଛନ୍ତି । ଯିଏ ଏକ ଟୁର୍ଣ୍ଣାମେଣ୍ଟ ପାଇଁ ବ୍ରିଟେନ ଯାତ୍ରା କରୁଥିଲେ କିନ୍ତୁ ସେଠାରେ ପହଞ୍ଚିବା ପୂର୍ବରୁ ଦୁବାଇରେ ଫସିଛନ୍ତି । ଖାଲି ପିଭି ସିନ୍ଧୁ ନୁହଁନ୍ତି ବଲିଉଡ ଅଭିନେତ୍ରୀ ସୋନଲ ଚୌହାନ ମଧ୍ୟ ଫସିଥିବା ଜଣାପଡିଛି ।

ୟୁଏଇର ଦୁବାଇ ଅନ୍ତର୍ଜାତୀୟ ବିମାନବନ୍ଦର ଓ ଆବୁଧାବି ବିମାନବନ୍ଦରରେ ଶହ ଶହ ଉଡ଼ାଣ ଅନିର୍ଦ୍ଦିଷ୍ଟ କାଳ ପାଇଁ ବାତିଲ କରାଯାଇଛି। ଏହା ଯୋଗୁ ଅନେକ ଖେଳାଳି, କଳାକାର ବ୍ୟକ୍ତି ଏବଂ ରିଆଲିଟି ଟିଭି ସେଲିବ୍ରିଟି ଫସି ରହିଛନ୍ତି। ଦୁବାଇ ଡ୍ୟୁଟି ଫ୍ରି ଟେନିସ୍ ଚାମ୍ପିଅନସିପରେ ଅଂଶଗ୍ରହଣ କରୁଥିବା ଖେଳାଳିମାନେ ଦୁବାଇରେ ସବୁଠାରୁ ଅଧିକ ଫସି ରହିଛନ୍ତି। ଟୁର୍ଣ୍ଣାମେଣ୍ଟ ଶେଷ ହେବା ପରେ ବିଶ୍ୱର ନମ୍ବର ୱାନ୍ ଡାନିଲ୍ ମେଦଭେଡେଭଙ୍କ ସମେତ ଅନେକ ଶ୍ରେଷ୍ଠ ପୁରୁଷ ଟେନିସ୍ ତାରକା ସହରରେ ଫସି ରହିଛନ୍ତି।

ପିଭି ସିନ୍ଧୁ ମଧ୍ୟ ଦୁବାଇ ବିମାନବନ୍ଦରରେ ଫସି ରହିଛନ୍ତି। ବର୍ମିଂହାମକୁ ତାଙ୍କ ବିମାନ ବାତିଲ ହେବା ପରେ ସେ ସେଠାରେ ଫସି ରହିଛନ୍ତି। ଏହା ବ୍ୟତୀତ, ବ୍ରିଟିଶ ବକ୍ସର ଆମିର ଖାନ ଏବଂ ଫୁଟବଲ୍ ଖେଳାଳି ରିଓ ଫର୍ଡିନାଣ୍ଡ ତାଙ୍କ ପତ୍ନୀ କେଟ୍ ସହିତ ୟୁଏଇରେ ଛୁଟି ବିତାଇବା ଆସିଥିଲେ। ତେବେ ସେମାନେ ଫସି ରହିଛନ୍ତି।

Powered by Froala Editor