ଟ୍ୱିନ ସିଟିରେ ନୂଆ ବର୍ଷ ସେଲିବ୍ରେସନ ପ୍ରସ୍ତୁତି : ଜଗିବେ ୫୦ ପ୍ଲାଟୁନ ଫୋର୍ସ
ନୂଆବର୍ଷ ଓ ଜିରୋ ନାଇଟ ସେଲିବ୍ରେସନ ବେଳେ ଟ୍ୱିନସିଟିରେ ହେବ କଡ଼ାକଡ଼ି ସୁରକ୍ଷା ବ୍ୟବସ୍ଥା। କଟକ ଓ ଭୁବନେଶ୍ୱରକୁ ଜଗିବେ ୫୦ ପ୍ଲାଟୁନ୍ ଫୋର୍ସ। ବିଶେଷ କରି ମଦ ପିଇ ଉତ୍ପାତ କଲେ ବାନ୍ଧିବ ସ୍ବତନ୍ତ୍ର ସ୍କ୍ବାଡ୍ । ରାତି ସାଢେ ୧୨ଟା ପର୍ଯ୍ୟନ୍ତ ନାଚଗୀତ ପାଇଁ ହୋଟେଲକୁ ଅନୁମତି । ଏଥିସହ ହୋଟେଲଗୁଡ଼ିକରେ ଆୟୋଜନ ହେଉଥିବା ପାର୍ଟି ଉପରେ ଅବକାରୀ ବିଭାଗ ନଜର ରଖିବ। ସେଲିବ୍ରେସନ ସାରି ଶୃଙ୍ଖଳିତ ଭାବରେ ଘରେ ପହଞ୍ଚିବା ପାଇଁ ପରାମର୍ଶ ଦିଆଯାଇଥିବା ବେଳେ ଅମାନିଆ ଏବଂ ରୋଡରୋମିଓଙ୍କୁ ସାବଧାନ୍ କରାଇଛନ୍ତି କମିଶନର ସୌମେନ୍ଦ୍ର ପ୍ରିୟଦର୍ଶୀ ।
୨୦୨୩କୁ ବିଦାୟ ଦେବା ପାଇଁ ଲୋକଙ୍କ ମଧ୍ୟରେ ଉତ୍କଣ୍ଠା ଦେଖିବାକୁ ମିଳିଲାଣି। ବାଣ ଫୁଟାଇ ଓ ଡିଜେ ବଜାଇ ଭିନ୍ନ ଭିନ୍ନ ଢଙ୍ଗରେ ସେଲିବ୍ରେସନ୍ କରିବାକୁ ସମସ୍ତେ ପ୍ରସ୍ତୁତ। ହେଲେ ଜିରୋ ନାଇଟ୍ ସେଲିବ୍ରେସନ୍ ପୂର୍ବରୁ ହୋଟେଲ ମାଲିକଙ୍କୁ ନେଇ ଗୁରୁତ୍ୱପୂର୍ଣ୍ଣ ବୈଠକ କରିଛି କମିଶନରେଟ୍ ପୁଲିସ୍।
ସେଲିବ୍ରେସନ ବେଳେ ଯେମିତି କୌଣସି ସ୍ଥାନରେ ଗଣ୍ଡଗୋଳ ନ ହୁଏ ସେ ନେଇ ସଂପୂର୍ଣ୍ଣ ବ୍ଳୁପ୍ରିଣ୍ଟ ପ୍ରସ୍ତୁତ କରିଛି ପୁଲିସ୍ । ବିଶେଷ କରି ପବ୍, ବାର, ତାରକା ହୋଟେଲ ସହ ବଡବଡ ଆପାର୍ଟମେଣ୍ଟ ଉପରେ ନଜର ରହିବ ବୋଲି କହିଛନ୍ତି ପୁଲିସ୍ କମିଶନର ।
Powered by Froala Editor
