ସୁପର ହିରୋ ହେଲା ୪ ମାସର ଶିଶୁ । ଯାହାକୁ ଶୁଣିଲେ ଆଶ୍ଚର୍ଯ୍ୟ ଲାଗିବ। ଘଟଣା ହେଲା, ଆମେରିକାର ଟେନେସିରେ ପ୍ରବଳ ଝଡ଼ ସମୟରେ ଝୁଲଣା ସହିତ ଉଡ଼ିଯାଇଥିବା ୪ମାସର ଶିଶୁ ଚମତ୍କାର ଭାବରେ ବଞ୍ଚି ଯାଇଥିଲେ ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଥିଲା।

ଟେନେସି କ୍ଲାକର୍ସବିଲେରେ ୨୨ବର୍ଷର ସିଡନି ବୁରେ ବସବାସ କରନ୍ତି । ସେ ଏହି ଘଟଣାକୁ ନେଇ କହିଛନ୍ତି, ‘ଝଡ଼ ହେବାର ପୂର୍ବରୁ କୌଣସି ସଙ୍କେତ ଦିଆଯାଇ ନଥିଲ‌ା। ଦେଖୁଦେଖୁ ଝଡ଼ ଓ ବର୍ଷା ମାଡ଼ି ଆସିଥିଲା ଘରର ଛାତ ଉଡ଼ି ଯାଇଥିଲା। ଭୟରେ ମୁଁ କୋଳରେ ଧରିଥିବା ମୋର ଏକ ବର୍ଷର ପୁଅ ପ୍ରିନ୍ସଟରକୁ ଧରି ସୁରକ୍ଷିତ ସ୍ଥାନକୁ ଦୌଡ଼ି ଯାଇଥିଲି। ଏହି ସମୟ ମଧ୍ୟରେ, ଛୋଟ ପିଲାଟି ଦୋଳିରେ ଶୋଇଥିବା ସମୟରେ ଖେଳୁଥିଲା, କିନ୍ତୁ ଆମର କୌଣସି ଧାରଣା ନଥିଲା ଯେ ଏହି ଝଡ଼ ପିଲାଟିକୁ ଦୋଳି ସହିତ ନେଇଯିବ। ଆମେ କିଛି ବୁଝିବା ପୂର୍ବରୁ, ଆମର ଛୋଟ ପିଲା ଆମ ଆଖି ଆଗରେ ଅଦୃଶ୍ୟ ହୋଇଗଲା।

ଏହା ପରେ ତାଙ୍କ ପିତା ତାଙ୍କୁ ବଞ୍ଚାଇବାକୁ ଦୌଡିଥିଲେ। ହେଲେ ଆମର ଛୋଟ ପିଲା ନିଖୋଜ ହୋଇଯାଇଥିଲା। ଯାହା ପରେ ଆମେ ତାଙ୍କୁ ଏକ ଗଛ ଉପରେ ପାଇଲୁ। ଏହି ଦୃଶ୍ୟ ଦେଖି ଆମେ ଭାବିଲୁ ଯେ ପିଲାଟିକୁ ଜୀବନ୍ତ ଦେଖି ପାରିବୁ ନାହିଁ କିନ୍ତୁ ଈଶ୍ବରଙ୍କ ଦୟା ଦ୍ୱାରା ଆମେ ତାଙ୍କୁ ଜୀବନ୍ତ ପାଇଲୁ।

ଏହାପରେ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚି ମୋ ୪ମାସ ଶିଶୁକୁ ଗଛରୁ ଉଦ୍ଧାର କରିଥିଲେ। ଉଦ୍ଧାର ପରେ ପୁଅ ମୁହଁରେ ଆଘାତ ଲାଗିଥିଲା। ସେ ପିନ୍ଧିଥିବା ପୋଷାକ ଛିଣ୍ଡି ଯାଇଥିଲା। ତାକୁ ଆମ୍ବୂଲାନ୍ସ ଯୋଗେ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରାଯାଇଥିଲା।

Powered by Froala Editor