ଏନସିଆରବି ରିପୋର୍ଟ : କୋଲକତା ଦେଶର ସୁରକ୍ଷିତ ସହର
ନ୍ୟାସନାଲ କ୍ରାଇମ ରେକର୍ଡ ବ୍ୟୁରୋ (ଏନସିଆରବି) ଦ୍ୱାରା ସଦ୍ୟ ପ୍ରକାଶିତ ଏକ ରିପୋର୍ଟରେ କୁହାଯାଇଛି ଯେ କୋଲକାତା ଭାରତର ସବୁଠାରୁ ସୁରକ୍ଷିତ ସହର । ମହାନଗରଗୁଡ଼ିକ ମଧ୍ୟରେ ପ୍ରତି ଲକ୍ଷ ଜନସଂଖ୍ୟାରେ ସର୍ବନିମ୍ନ ସଂଖ୍ୟକ ଅପରାଧ ରେକର୍ଡ କରାଯାଇଛି।
ରେକର୍ଡ ଅନୁସାରେ ଲଗାତାର ୩ୟ ଥର ପାଇଁ କୋଲକାତାକୁ ଦେଶର ସୁରକ୍ଷିତ ସହର ଭାବେ ଘୋଷଣା କରାଯାଇଛି। ପ୍ରତି ଲକ୍ଷ ଜନସଂଖ୍ୟା ମଧ୍ୟରେ ଏହି ସହରରେ ଅପରାଧୀଙ୍କ ବିରୋଧରେ ଖୁବ୍ କମ ମାମଲା ରୁଜୁ କରାଯାଇଛି। ୨୦୨୨ର ତଥ୍ୟ ଅନୁଯାୟୀ, କୋଲକାତାରେ ପ୍ରତି ଏକ ଲକ୍ଷ ଜନସଂଖ୍ୟା ମଧ୍ୟରେ ୮୬.୫ମାମଲା ରୁଜୁ ହୋଇଛି। କୋଲକାତା ପରେ ଦ୍ୱିତୀୟରେ ପୁଣେ ରହିଛି। ଯେଉଁଠି ୨୮୦ ଆପରାଧିକ ମାମଲା ରୁଜୁ ହୋଇଛି। ତୃତୀୟରେ ହାଇଦ୍ରାବାଦ ରହିଛି। ଯେଉଁଠି ପ୍ରତି ଏକ ଲକ୍ଷ ଜନସଂଖ୍ୟାରେ ୨୯୯ଟି ଆପରାଧିକ ମାମଲା ରୁଜୁ ହୋଇଛି।
ରିପୋର୍ଟ ଅନୁଯାୟୀ, କୋଲକାତାରେ ୨୦୨୧ରେ ପ୍ରତି ଏକଲକ୍ଷ ଲୋକରେ ୧୦୩.୪ ଟି ଅପରାଧ ମାମଲା ରୁଜୁ ହୋଇଥିବା ବେଳେ ଚଳିତ ବର୍ଷ ଏହା ୮୬.୫କୁ ହ୍ରାସ ପାଇଛି। ୨୦୨୦ରେ ଏହି ସଂଖ୍ୟା ୧୨୯.୫ ଥିଲା। ତେବେ କୋଲକାତାରେ ମହିଳାଙ୍କ ବିରୋଧରେ ଅପରାଧ ବୃଦ୍ଧି ପାଇଛି। ୨୦୨୧ରେ ଏହି ସଂଖ୍ୟା ୧୭୮୩ ଥିବା ବେଳେ ୨୦୨୨ରେ ଏହା ୧୮୯୦କୁ ବୃଦ୍ଧି ପାଇଛି।
Powered by Froala Editor
