ଆଗୁଆ ଶୁଭେଚ୍ଛା ଜଣାଇ ଫସିଲେ, ତେଲେଙ୍ଗାନା ଡିଜିପି ସସପେଣ୍ଡ
ଆଦର୍ଶ ଆଚରଣ ବିଧି ଉଲ୍ଲଂଘନ କରି ତେଲଙ୍ଗାନା ପୋଲିସ ମହାନିର୍ଦ୍ଦେଶକ (ଡିଜିପି) ଅଞ୍ଜନି କୁମାରଙ୍କୁ ନିଲମ୍ବନ କରିବାକୁ ନିର୍ବାଚନ କମିଶନ ନିର୍ଦ୍ଦେଶ ଦେଇଛନ୍ତି।କେସିଆର୍ଙ୍କୁ ପଛରେ ପକାଇ ତେଲେଙ୍ଗାନା ପ୍ରଦେଶ କଂଗ୍ରେସ କମିଟି ସଭାପତି ରେବନ୍ଥ ରେଡ୍ଡୀ ଆଗରେ ରହିଥିଲେ। ଏହା ସାମ୍ନାକୁ ଆସିବା ପରେ ଖୋଦ୍ ଡିଜିପି ଅଞ୍ଜନୀ କୁମାର ହାତରେ ଫୁଲ ତୋଡା ଧରି ରେବନ୍ଥ ରେଡ୍ଡୀଙ୍କ ବାସ ଭବନରେ ପହଞ୍ଚି ଯାଇଥିଲେ। ସେ ତାଙ୍କୁ ଶୁଭେଚ୍ଛା ଜଣାଇଥିଲେ।
ବିଧାନସଭା ନିର୍ବାଚନ ପାଇଁ ଚାଲିଥିବା ଭୋଟ ଗଣନା ମଧ୍ୟରେ ଡିଜିପିଙ୍କ ଏହି ବୈଠକରେ ନିର୍ବାଚନ ଆୟୋଗ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲେ ଏବଂ ତାଙ୍କୁ ନିଲମ୍ବନ କରିବାକୁ ନିର୍ଦ୍ଦେଶ ଦେଇଥିଲେ। ନିର୍ବାଚନ ଆଚରଣ ବିଧି ଉଲ୍ଲଙ୍ଘନ କରାଯାଇଥିବା ଅଭିଯୋଗରେ ତାଙ୍କୁ ନିଲମ୍ବିତ କରାଯାଇଥିବା ସୂଚନା ମିଳିଛି।
Powered by Froala Editor
