ଫିଲିପାଇନ୍ସରେ ଶକ୍ତିଶାଳୀ ଭୂମିକମ୍ପ, ସୁନାମି ଚେତାବନୀ
ଶନିବାର ଦକ୍ଷିଣ-ପୂର୍ବ ଏସୀୟ ରାଷ୍ଟ୍ର ଫିଲିପାଇନ୍ସରେ ବଡ଼ ଭୂମିକମ୍ପ ଆସିଛି । ରିକ୍ଟର ସ୍କେଲରେ ଏହାର ତୀବ୍ରତା ୭.୫ ଥିବା କୁହାଯାଉଛି । ଏହି ଭୂମିକମ୍ପର ପ୍ରଭାବ ଦେଖି ଆମେରିକା ପକ୍ଷରୁ ସୁନାମି ଚେତାବନୀ ଜାରି କରାଯାଇଛି। ଏହି ସୁନାମି ଫିଲିପାଇନ୍ସ ଓ ଜାପାନକୁ ପ୍ରଭାବିତ କରିବାର ଆଶଙ୍କା ରହିଛି ।
ଜାପାନର ପଶ୍ଚିମ ଉପକୂଳରେ ରବିବାର ଦିନ ୧ଟା ୩୦ ମିନିଟ୍ ପର୍ଯ୍ୟନ୍ତ ଏକ ମିଟର (୩ ଫୁଟ) ଉଚ୍ଚତା ପର୍ଯ୍ୟନ୍ତ ସୁନାମି ଲହରୀ ଆସିବାର ସମ୍ଭାବନା ରହିଛି। ୟୁଏସ୍ ଜିଓଲୋଜିକାଲ ସର୍ଭେ କହିଛି ଯେ ଏହି ଭୂମିକମ୍ପର ତୀବ୍ରତା ୭.୫ ଏବଂ ଗଭୀରତା ୩୨ କିଲୋମିଟର (୨୦ ମାଇଲ) ଏବଂ ଏହା ରାତି ୧୦ଟା ୩୭ ମିନିଟରେ ହୋଇଥିଲା। ନ୍ୟୁଜ୍ ଏଜେନ୍ସି ରଏଟର୍ସ ପକ୍ଷରୁ ଏହି ସୂଚନା ମିଳିଛି।
ଗତ ମାସ ଆରମ୍ଭରେ ମଧ୍ୟ ଦକ୍ଷିଣ ଫିଲିପାଇନ୍ସରେ ୬.୭ ତୀବ୍ରତାର ଏକ ଭୂକମ୍ପରେ ଆଠ ଜଣଙ୍କର ମୃତ୍ୟୁ ଘଟିଥିଲା। ସାରଙ୍ଗାନି, ଦକ୍ଷିଣ କୋଟାବାଟୋ ଏବଂ ଡାଭାଓ ଅସିଡେଣ୍ଟାଲ୍ ପ୍ରଦେଶରୁ ଏହି ମୃତ୍ୟୁ ହୋଇଥିବା ବେଳେ ଏହି କମ୍ପନରୁ ୧୩ ଜଣ ଆହତ ହୋଇଥିବା ବେଳେ ୫୦ ରୁ ଅଧିକ ଘର ଏବଂ ଅନ୍ୟାନ୍ୟ ଅଟ୍ଟାଳିକା ନଷ୍ଟ ହୋଇଥିଲା।
Powered by Froala Editor
