ଶୁକ୍ରବାର ସକାଳେ ବେଙ୍ଗାଲୁରୁର ପ୍ରାୟ ୪୫ଟି ସ୍କୁଲକୁ ବୋମାରେ ଉଡାଇ ଦେବାକୁ ଧମକ ମିଳିଛି। ଇମେଲ ଜରିଆରେ ଏହି ଧମକ ଦିଆଯାଇଛି। ଏହି ଇ-ମେଲ୍ ପାଇବା ପରେ ବିଦ୍ୟାଳୟର କର୍ମଚାରୀ ଓ ଛାତ୍ରଛାତ୍ରୀଙ୍କ ଅଭିଭାବକମାନେ ଅତ୍ୟନ୍ତ ଆତଙ୍କିତ ହୋଇପଡ଼ିଥିଲେ। ସ୍କୁଲ କର୍ତ୍ତୃପକ୍ଷ ତୁରନ୍ତ ପୁଲିସକୁ ଖବର ଦେବା ପରେ ସେ ବୋମା ନିଷ୍କ୍ରିୟକାରୀ ସ୍କ୍ବାଡ୍ ଓ ତଦନ୍ତକାରୀ ଦଳ ସହ ବିଭିନ୍ନ ସ୍କୁଲରେ ପହଞ୍ଚିଥିଲେ। ତୁରନ୍ତ ସ୍କୁଲ ପରିସରରୁ ଛାତ୍ରଛାତ୍ରୀ ଓ କର୍ମଚାରୀଙ୍କୁ ବାହାର କରାଯାଇଥିବା ବେଳେ ଏପର୍ଯ୍ୟନ୍ତ କୌଣସି ସନ୍ଦେହଜନକ ଜିନିଷ ମିଳିନାହିଁ।

ସକାଳୁ ପ୍ରଥମେ ୧୫, ପରେ ୨୫ ଓ ଶେଷରେ ୪୫ଟି ସ୍କୁଲର ଇ-ମେଲକୁ ହଠାତ୍‌ ବୋମା ବିସ୍ଫୋରଣର ଧମକପୂର୍ଣ୍ଣ ବାର୍ତ୍ତା ଆସିଥିଲା। ଖବର ପାଇ ପୁଲିସ୍‌ ତୁରନ୍ତ ସ୍କୁଲଗୁଡ଼ିକରେ ପହଞ୍ଚିଥିଲା। ବୋମା ନିଷ୍କ୍ରିୟକାରୀ ଟିମ ଓ ଡଗ ସ୍କ୍ୱାଡ ମଧ୍ୟ ସର୍ଚ୍ଚ ଅପରେସନରେ ଲାଗିଥିଲେ।

ତେବେ ଗୋଟିଏ ସମୟରେ ଏତେ ସଂଖ୍ୟକ ସ୍କୁଲକୁ ବୋମା ବିସ୍ଫୋରଣର ଧମକ ସମସ୍ତଙ୍କୁ ଚକିତ କରିଛି। ଧମକ ପରେ ତୁରନ୍ତ ସ୍କୁଲରେ ଥିବା ପିଲା ଓ କର୍ମଚାରୀମାନଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଥିଲା।

ଏହି ଖବର ବିଷୟରେ ସୂଚନା ପାଇବା ପରେ ଉପ ମୁଖ୍ୟମନ୍ତ୍ରୀ ମଧ୍ୟ ଏକ ବିଦ୍ୟାଳୟ ପରିଦର୍ଶନ କରିଥିଲେ। ସେ କହିଛନ୍ତି, ମୁଁ ଟିଭି ଦେଖୁଥିଲି, ମୋ ଘର ବିପକ୍ଷରେ ଥିବା ସ୍କୁଲ ମଧ୍ୟ ଏକ ଧମକପୂର୍ଣ୍ଣ ମେଲ ପାଇଥିଲା। ମୁଁ ଯାଞ୍ଚ କରିବାକୁ ଏଠାକୁ ଆସିଥିଲି। ଏପର୍ଯ୍ୟନ୍ତ ଏହା ଏକ ଧମକପୂର୍ଣ୍ଣ କଲ ଭଳି ମନେହୁଏ, କିନ୍ତୁ ଆମେ ଏ ବିଷୟରେ ବହୁତ ସଚେତନରହିବାକୁ ପଡ଼ିବ।

ସେ କହିଛନ୍ତି, ପୋଲିସ ଏହା ଉପରେ ଦୃଷ୍ଟି ରଖିଛି। କେତେଜଣ ଦର୍ବୁର୍ତ୍ତ ଏହା କରିଥାଇ ପାରନ୍ତି, ଆମେ ସେମାନଙ୍କୁ ୨୪ଘଣ୍ଟା ମଧ୍ୟରେ ଧରିବୁ।

Powered by Froala Editor