ସ୍ୱାସ୍ଥ୍ୟ ପାଇଁ ଅତ୍ୟନ୍ତ ହିତକାରକ ପାଳଙ୍ଗ
![ସ୍ୱାସ୍ଥ୍ୟ ପାଇଁ ଅତ୍ୟନ୍ତ ହିତକାରକ ପାଳଙ୍ଗ](https://odishanewslens.com/news_gallery/26288_1701494051.jpg)
ସବୁଜ ପନିପରିବା,ବିଭିନ୍ନ ପ୍ରକାର ଶାଗ ସ୍ୱାସ୍ଥ୍ୟ ପାଇଁ ଖୁବ ଉପକାରୀ। ବିଭିନ୍ନ ପ୍ରକାର ଶାଗ ମଧ୍ୟରୁ ଅନେକ ଲୋକେ ପାଳଙ୍ଗ ଶାଗ ଖାଇବାକୁ ପସନ୍ଦ କରିଥାଆନ୍ତି। ଏହା ସ୍ୱାସ୍ଥ୍ୟ ପାଇଁ ଅତ୍ୟନ୍ତ ହିତକାରକ। ଏଥିରେ ପର୍ଯ୍ୟାପ୍ତ ମାତ୍ରାରେ ଆଣ୍ଟି-ଅକ୍ସିଡାଣ୍ଟ, କ୍ୟାଲସିୟମ, ସୋଡିୟମ, ଫସଫରସ, ଖଣିଜ ଲବଣ, ପ୍ରୋଟିନ୍, ଆଇରନ, ଭିଟାମିନ୍ ଏ, ସି, ଭରପୁର ମାତ୍ରାରେ ରହିଛି। ଏସବୁ ପୋଷକ ତତ୍ତ୍ୱ ଅନେକ ଶାରୀରିକ ସମସ୍ୟା ଦୂର କରିବାରେ ସହାୟକ ହୋଇଥାଏ। ପାଳଙ୍ଗ ଶାଗକୁ ବିଭିନ୍ନ ଉପାୟରେ ପ୍ରସ୍ତୁତ କରି ଖାଇ ପାରିବେ।
ସ୍ୱାସ୍ଥ୍ୟ ବିଶେଷଜ୍ଞଙ୍କ ମତାନୁସାରେ, ପାଳଙ୍ଗ ଶାଗରେ ଥିବା ପୋଷକ ତତ୍ତ୍ୱ ଚକ୍ଷୁ ପାଇଁ ଖୁବ୍ ଉପକାରୀ। ଏହା ଦୃଷ୍ଟି ଶକ୍ତି ବୃଦ୍ଧି କରିବା ସହ ଚକ୍ଷୁକୁ ସୁସ୍ଥ ରଖିଥାଏ। ପାଳଙ୍ଗ ଶାଗରେ ଫାଇବର ଓ ପାଣି ପ୍ରଚୁର ମାତ୍ରାରେ ରହିଛି। ଏହାକୁ ଖାଇବା ଦ୍ୱାରା ଅଧିକ ସମୟ ଯାଏଁ ଭୋକ ଲାଗି ନଥାଏ। ଓଜନ ହ୍ରାସ କରିବାରେ ସହାୟକ ହୋଇଥାଏ।
ପାଳଙ୍ଗ ଶାଗରେ ମାଗ୍ନେସିୟମ, ଆଇରନ ଓ ପୋଟାସିୟମ ରହିଛି। ଏହା ଶରୀରରେ ରକ୍ତର ଅଭାବକୁ ଦୂର କରିଥାଏ। କ୍ୟାଲସିୟମ ଓ ଆଣ୍ଟି-ଅକ୍ସିଡାଣ୍ଟ ଗୁଣ ରହିଛି। ଏହା ହାଡକୁ ମଜଭୂତ କରିବାରେ ସହାୟକ ହୋଇଥାଏ। ହାଡକୁ ଦୁର୍ବଳ ହେବାରୁ ରକ୍ଷା କରିବା ପାଇଁ ପାଳଙ୍ଗ ଶାଗ ଖାଆନ୍ତୁ। ହୃଦୟକୁ ସୁସ୍ଥ ରଖିବା ପାଇଁ ପାଳଙ୍ଗ ସେବନ କରିବା ଆବଶ୍ୟକ। ଏହା ହୃଦଘାତର ସମ୍ଭାବନା ମଧ୍ୟ କମ୍ କରିଥାଏ।
Powered by Froala Editor