ଚାଲୁ ଚାଲୁ ହଠାତ୍ ଅଟକିଗଲା ଟ୍ରେନ୍ । ତେବେ କୌଣସି ଅଘଟଣ ପାଇଁ ନୁହେଁ । ଟ୍ରେନ୍ ଡ୍ରାଇଭର କହିଲେ, ମୋ ଡ୍ୟୁଟି ସରିଗଲା, ମୁଁ ଯାଉଛି ।’ ବାସ୍ ଏମିତି କହି ପଳାଇଲେ । ହେଲେ ଯାତ୍ରୀ କରିବେ କ’ଣ? ୩ ଘଣ୍ଟା କାଳ ବସିରହିଲେ । କିଛି ଯାତ୍ରୀ ଫିଙ୍ଗା ଫୋପଡା କଲେ । ଏଭଳି ଘଟଣା ଘଟିଛି ଲକ୍ଷ୍ନୌ ଗୋରଖପୁର ଠାରେ ।

ସୂଚନା ଅନୁଯାୟୀ, ଲକ୍ଷ୍ନୌ ଗୋରଖପୁର ରେଳ ବିଭାଗର ବୁରୱାଲ ରେଳ ଷ୍ଟେସନ ଦେଇ ଯାଉଥିବା ଦୁଇଟି ଏକ୍ସପ୍ରେସ ଟ୍ରେନ ହଠାତ୍‌ ଅଟକି ଯାଇଥିଲା । ପାଖରେ ଯାଉଥିବା ଟ୍ରେନ୍‌ ଦେଖି ଯାତ୍ରୀ ଭାବିଲେ ସିଙ୍ଗନାଲ ନ ମିଳିବା କାରଣରୁ ବୋଧେ ଅଟକି ରହିଛି । ଯେତେବେଳେ ଘଣ୍ଟା ଘଣ୍ଟା ଅଟକି ଥିଲା ଯାତ୍ରୀମାନେ ଇଞ୍ଜିନ୍‌ ପାଖକୁ ଯାଇ ପଚାରିବାରୁ ଡ୍ରାଇଭର ଏବଂ ଗାର୍ଡ ଟ୍ରେନକୁ ଆଗକୁ ନେବାକୁ ମନା କରିଦେଇଥିଲେ। ସେ ଟ୍ରେନରୁ ବାହାରି କହିଥିଲେ ଯେ ତାଙ୍କର ଡ୍ୟୁଟି ସମୟର ୧୨ ଘଣ୍ଟା ବିତିଗଲାଣି। ସେ ଗାଡି ଚାଲୁ କରି ପାରିବେ ନାହିଁ । 

ରେଳ ବିଭାଗର ବରିଷ୍ଠ ଅଧିକାରୀଙ୍କ ଦାୟିତ୍ୱହୀନ ମନୋଭାବ ଯୋଗୁଁ ଯାତ୍ରୀମାନେ ପ୍ରାୟ ସାଢେ ତିନି ଘଣ୍ଟା ଧରି ଅସୁବିଧାରେ ପଡ଼ିଥିଲେ। ଏହି ସମୟ ମଧ୍ୟରେ କ୍ରୋଧିତ ଯାତ୍ରୀମାନେ ଷ୍ଟେସନରେ ହଙ୍ଗାମା ସୃଷ୍ଟି କରି କରିଥିଲେ।

ଏହା ପରେ ଅଧିକ୍ଷକ ଏହାର ସୂଚନା କଣ୍ଟ୍ରୋଲ ରୁମ୍‌କୁ ସୂଚନା ଦେଇଥିଲେ। ପରେ ଦ୍ଵିତୀୟ ଗାର୍ଡ ଏବଂ ଡ୍ରାଇଭର ପଠାଯାଇଥିଲା । ୪.୫୦ ମିନିଟ୍‌ରେ ଟ୍ରେନ୍‌ଟି ସେଠାରୁ ବାହାରିଥିଲା । 

Powered by Froala Editor